1 Samwele 14:18 - Livulu lya Shukulu Kalunga

¹⁸ Co Saulu wendekele kuli Ahiya muka-kukombelela ngwendi, “Nena Cikasa ca Cikumiiyo kuno.” (A litangwa lije Ahiya wambatele Cikasa ca Cikumiiyo kulutwe lwa vanu va Isalele.)

1 Samwele 14:18 Iomraidhean Croise

2 Samwele 11:11

Uliya wamukumbulwile ngwendi, “Vanu va Isalele na vanu va Yunda valinakulwa nzita, Cikasa ca Cikumiiyo cili kuli vakevo, co Yowave muka-kushika na vamyata vendi vanatungu cilombo cavo mushandangala yangoco. Co vatijo njasa kuya kwimbo, nakulya nakunwa, nakulala na munakazi wange? A vyoshe vije vyapwa vyakujela, njilisinga ngeci kunjikalingi cuma ca cifwa cangacije!”

Kulava 27:21

Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime, co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.”

Maako 20:18

Co vaIsalele vaile ku mutambela wakulemesela ku Mbetele, kuje vehwile Njambi ngwavo, “Muyati ukajo ukalivanga kulwisa vaMbenjemani?” Co Shukulu Kalunga wavakumbulwile ngwendi, “Muyati wa Yunda ukewo ukalivanga.”

Maako 20:23

Co vanu va Isalele vaile nakulilila ku mesho a Shukulu Kalunga noo ku cingwezi, co vehwile Shukulu Kalunga ngwavo, “Kuma tucishwenyesako lalo kulwa na vandolome vetu vaMbenjemani ndi?” Co Shukulu Kalunga wavakumbulwile ngwendi, “Yeni mukalwe.”

1 Samwele 14:17

Ngecivene, Saulu wendekele kuli vanu vendi ngwendi, “Laveni mashwalale mumone iya waiko.” Valingile ngacije, co vawanene Yonatana na uje mukwenje muka-kumwambatela vitwa vya nzita vaiko.

1 Samwele 14:36

Saulu wendekele kuli vanu vendi ngwendi, “Vutsiki vuno tushelumukeni tukalwise vaFilisitiya, nakupukula vyavo noo kukya, nakuvatsiya voshe.” Vanu vamukumbulwile ngwavo, “Linga mwoshe muunashaka.” Oloni muka-kukombelela wendekele ngwendi, “Twihuleni Njambi akulivanga.”

1 Samwele 23:9

Omo Ndaviti wazivile ngeci Saulu ali na vutumbe vwakumulwisa, wendekele kuli Aviyatale muka-kukombelela ngwendi, “Nena kangamuna kuno.”

1 Samwele 5:2

vacitwalele mu njuvo ya njambi yavo Ndangone, co vacakele muyehi na Ndangone.

1 Samwele 7:1

Ngecivene, vanu va ku Kilyate Njealime vezilile Cikasa ca Cikumiiyo ca Shukulu Kalunga, vacitwalele ku njuvo ya munalume umo lizina lyendi Avinandave, watungile njuvo yendi a lilundu. Co vajelesele munendi Elyazale ngeci acinyunge.