1 Samwele 13:14 - Livulu lya Shukulu Kalunga

¹⁴ Oloni ololo kushwana kwove kukahwa. Omwo kuwamwononokele, Shukulu Kalunga akaliwanena munu wakumuya ku mbunge, co akamupwisa muka-kushwana vanu vendi.”

1 Samwele 13:14 Iomraidhean Croise

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

2 Samwele 6:21

Co Ndaviti wamukumbulwile ngwendi, “Yange njakinine nakusingimika Shukulu Kalunga, uje wanjangwile kuhyana isho na naanga yendi nakunjipwisa ntwama ya vanu vendi va Isalele. Anga njicitwalao vene kumusingimika Shukulu Kalunga,

2 Vimyene 20:5

“Iluka lalo kuli Hezekiya muka-kushwana vanu vange, co endeka kuli ikeye ngwove, ‘Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove. Njikakukangwisa, omo kuneti matangwa atatu ukaya ku Njuvo yange.

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

Myaso 78:70

Waangwile ngamba yendi Ndaviti, co wamutundisile kukunyunga matanga a vimanga,

Visimo 27:24

omwo vufuko kuvwesi kukala simbu yoshe. Nameme vumwene kuvwesi kukala simbu yoshe.

Isaya 39:5

Co Isaya walekele mwene ngwendi, “Shukulu Kalunga Muka-nzili yoshe nendeka ngwendi,

Vilinga vya Miluwa 13:22

Co omo wamutundisile, Njambi wapwisile Ndaviti mwene yavo. Eci cikeco cendekele Njambi ali ikeye ngwendi, ‘Njinawana Ndaviti muna Njesi ikeye munalume injazema, uje akalinga vyoshe vije njishaka ngeci avilinge.’

Vilinga vya Miluwa 7:46

Ikeye Ndaviti wawanene kutetela ku mesho a Njambi, co walombele Njambi amutave ngeci atungile Njambi ya Yakomba njuvo.

VaHevelu 2:10

Capwile ca vushunga ngeci Njambi, uje watangele nakunyunga vyuma vyoshe, apwise Yesu muka-vushunga a tuyando, mukunena vana vavangi ku vumpau vwendi. Omwo Yesu ikeye lika muka-kuvatwamenena ku kwovoka.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:26

Co Samwele wamukumbulwile ngwendi, “Kunjiiluka amo nove, omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:28

Samwele walekele Saulu ngwendi, “Ku litangwa lya lelo Shukulu Kalunga natundisa vumwene vwa Isalele kuli yove, co navwana kuli mukweni weka nakutuvakana.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 16:12

Ngecivene, Njesi watumineko munu kukamushaka. Ikeye wapwile wamuvwa, mukwenje wakuvenga, mesho endi apwile amavwa. Co Shukulu Kalunga wendekele kuli Samwele ngwendi, “Katuka umuvwavese mazi, omwo ikeye vene ou!”

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.

1 Samwele 24:20

Ololo njazivuka ngeci ukapwa mwene wa mu Isalele, na vumwene vukatwalao mukushwana kwove.

1 Samwele 25:30

Omo Shukulu Kalunga nalingi vyuma vyoshe vyavivwa vije vyakukulaesele, co nakupwisa lalo mwene wa mu Isalele,

1 Samwele 9:16

“Imene a simbu ino vene njikakutumina munu wa ku muyati wa Mbenjemani, muvwavese mazi ngeci apwe muka-kushwana vanu vange va Isalele, ikeye akavamena kuli vaFilisitiya, omwo njinamono tuyando twa vanu, co njazivi kulila kwavo ngeci njivakwase.”