1 Samwele 12:3 - Livulu lya Shukulu Kalunga

³ Yange uno. Nga kuli cuma cimo njamiviisilile, citumbuleni ololo ku mesho a Shukulu Kalunga na ku mesho a mwene ou yanaangula. Kwali munu umo injanyekele ngombe yendi wa lwavo nambe cimulu? Indi kwali munu umo injakwisile nambe injayandesele? Indi kwali munu umo injatavele kutambula vimbongo vya lizika-kanwa? Nga njalingileo cuma cimo, co njiilwise vije njatambwile.”

1 Samwele 12:3 Iomraidhean Croise

2 Samwele 22:22

Njinononoka lishiko lya Shukulu Kalunga, co kunjakengesele nima Njambi yange.

Nehemiya 5:11

Eceleni makongo oshe aje avatambwile kuli yeni, nambe vimbongo, nambe tiliku, nambe vinyu, nambe mazi a olive. Co velwisileni ololo vene mahya avo, na vitungu vya mikolovozi ya vushuka vwa vinyu, na vitungu vya miti ya olive, na vinjuvo vyavo!”

Myaso 15:5

Ikeye akakumwisa vimbongo vyendi kujeneka kwakao kakondweso, co ikeye kesi kutambula lizika-kanwa ngeci ahise uje kesi na mulonga. Ou woshe alinga vyuma evi, kakapelyangela embwe.

Kutuuka 20:17

“Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”

Kutuuka 22:4

Nga munu aiva ngombe, nambe cimulu, nambe manga, co uje cimuna vamuwana ayoya mu mutambela wendi, uje munu napande kufweta vimuna vavali a cimuna umo.

Kutuuka 23:8

Kesi mutave lizika-kanwa, omwo lizika-kanwa lilingisa vanu vupuputwa ku vije vya vushunga, co liviisa vin̄anda vya vaje kuvesi na mulonga.

Visimo 15:27

Muka-cipululu akanene vukalu ku naanga yendi, oloni uje azinda lizika-kanwa, akayoya.

VaLevi 6:4

omo munu nalingi vuvi mu ngila imo, co akelwise cije catambwile mu ngila ya vwizi.

VaLevi 6:5

A litangwa lije vamuwanene na mulonga, napandele kwilwisila vavenya vyoshe nakwakelako litambelo lya makumi avali, a litangwa lije lyakulambula mulambu wa a vuvi vwendi.

Kulava 16:15

Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”

Mateo 22:21

Vamukumbulwile ngwavo, “Vya Sezale.” Asinoni Yesu wendekele kuli vakevo ngwendi, “Mwamuvwa, ngecivene, aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.”

Luka 19:8

Co Sangeo wemanene nakwendeka kuli Mwene ngwendi, “Tolilila Shukulu, njikana litambelo lya vufuko vwange kuli tuutu, nga njatambwile cimo kuli umo mu ngila ya makuli, co njikamufweta visimbu viwana.”

Vilinga vya Miluwa 20:33

Kunjashakele siliva ya munu nambe ngolinde nambe vuzalo.

2 Kolinte 12:14

Eyi ololo inapu simbu yamucitatu ije njalivwaesela kwija kuli yeni nakumisikamesa, co lalo kunjishaka kumitwika citele. Oloni cuma njishaka lika kuvanga yeni, kesi vimbongo vyeni embwe. Munima ya vyoshe evi, vanike kuvapandele kukwasa visemi vavo, oloni visemi vakevo vapandele kukwasa vana vavo.

Kwituluka mu Mashiko 16:19

Vakevo vanapande kusompa mu vushunga, kesi vamwese kahangu mukusompa kwavo. Co kuvapandele kutambula lizika-kanwa, omwo lizika-kanwa lizivalesa mesho a vaka-mana nakwingika majwi a vaka-vushunga.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.

1 Tesalonika 2:5

Omwo mwazivuka mwamuvwa ngweni kutwezile kuli yeni mukwendeka vyakuseveleka, nambe kwendeka majwi akumifwikafwika a mbunge ya cipululu, Njambi ikeye mukaleo wetu!

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.

1 Samwele 10:1

Ngecivene, Samwele wanonele lilulu lya mazi a olive waetilile a mutwe wa Saulu, wamutsembele, co wendekele ngwendi, “Shukulu Kalunga nakuvwavesa mazi kupwa muka-kushwana vanu vendi va Isalele. Ukashwana vanu vendi nakuvanyunga ku vitozi vavo voshe. Co ovu vukevwo vukaleo vwove ngeci Shukulu Kalunga nakwangula kupwa muka-kushwana vanu vendi.

1 Samwele 12:4

Co vanu vakumbulwile ngwavo, “Embwe, kuwatukwisile nambe kutuyandesa, nambe kwambata cuma kuli munu umo embwe.”

1 Samwele 12:5

Samwele wavakumbulwile ngwendi, “Shukulu Kalunga na mwene ou yanaangula vanapu vakaleo ku litangwa lya lelo omwo munawana ngeci yange nji muka-kulongwa.” Co vakevo vakumbulwile ngwavo, “Eyo, Shukulu Kalunga napu mukaleo wetu.”

1 Samwele 2:35

Njikaangula muka-kukombelela wa kulongwa ku mesho ange, ikeye akalinga vyuma vyoshe vinjishaka ngeci avilinge. Co njikamwana vatekulwila vaje vakapanga simbu yoshe ku mesho a uje mwene injinalyangwila.

1 Samwele 24:11

Tate, kenga nanga ya ku mukundwilo wa cikoveyo cove eyi injinakwata! Njapandele kukutsiya, oloni njavatula lika nanga ya ku mukundwilo wa cikoveyo cove. Co eci cilinakukumwesa ngeci yange kunjesi na vutumbe vwakuyongola kukulwisa nambe kukuvulumuna. Yove ulinakunjiyomba ngeci unjitsiye, yange kunjalingile cuma cimo cacivi kuli yove.

1 Samwele 24:6

co Ndaviti wendekele kuli vanu vendi ngwendi, “Shukulu Kalunga anjivindike kulinga cuma cakuvulumuna shukulu yange, ou yanavwavesa kupwa mwene! Yange kunjapandele kumuvulumuna nambe kamandondo, omwo napu mwene wakuvwavesa kuli Shukulu Kalunga!”

1 Samwele 24:7

Ngecivene, Ndaviti wavindikile vanu vendi kuvulumuna Saulu. Co Saulu wakatukile, watundile muje mu linzenzengoma, waile mu ngila yendi.

1 Samwele 26:11

Shukulu Kalunga anjivindike ngeci kesi njeseke kuvulumuna ou yanapwisa mwene! Twambate lika likunga lyendi, na njava yendi ya mema, co tuye.”

1 Samwele 26:9

Oloni Ndaviti wendekele kuli Avishai ngwendi, “Kesi umuvulumune! Shukulu Kalunga akahisa woshe uje avulumuna uje yanavwavesa.”