1 Samwele 12:20 - Livulu lya Shukulu Kalunga

²⁰ Samwele wakumbulwile ngwendi, “Kesi muzive lyova embwe. Nameme munalingi vuvi vwa cifwa cangacije, kesi mutenguluke mutunde kuli Shukulu Kalunga, oloni mupangeleni na mbunge yeni yoshe.

1 Samwele 12:20 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Myaso 101:3

Kunjikalingi cuma cacivi, njizinda vilinga vya vaka-kujeneka kukulaela kuli Njambi, kunjikombuko mbunge kuli vakevo embwe.

Myaso 125:5

Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Myaso 40:4

Navezika munu uje akulaela kuli Shukulu Kalunga, munu uje kesi kutengulukila ku tumponya, nambe kulipandakana na vanu vaje vaka-kulemesa vinjambi va makuli.

Kutuuka 23:25

Nga munjilemesa yange Kalunga Njambi yeni, co njikamivezikisa vyakulya na mema, co njikatundisa mishongo akati keni.

Kutuuka 32:30

Co alikaki Mosesa wendekele kuli vanu ngwendi, “Munalingi vuvi vwakukomokesa manene. Oloni ololo njilinakulamata lalo ku munkinda kuli Shukulu Kalunga, amo njikasa kuwanako kwambesa vuvi vweni.”

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Hangai 2:5

Omo mwatundile mu Ingito, njamikulaesele ngwange njikakala amo neni simbu yoshe. Co anga vene njili amo neni, ngecivene, kesi muzive lyova embwe.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 11:16

Nyanyameni kutewa vimbunge vyeni vikongumukila kweka kutunda kuli Shukulu Kalunga mukulemesa nakupangela vinjambi veka.

Kwituluka mu Mashiko 31:29

Njazivuka ngeci omo njinatsi laja, mukongumuka nakuseza evi vinjinamilongesa. Cooni kulutwe mukakovela mu vukalu, mukaluvalesa Shukulu Kalunga akulinga vije vyanavindika.”

Yoshwa 23:6

Ngecivene, nyanyameni nakwononoka vyuma vyoshe vije vivanasoneka mu livulu lya Mashiko lya Mosesa. Kesi mukalimbululeo nambe litambelo limo embwe,

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”