1 Samwele 12:17 - Livulu lya Shukulu Kalunga

¹⁷ Simbu ino inapu ya malanga. Oloni njikalombela kuli Shukulu Kalunga, ngeci atume muhyato na nyonzi. Nga eci cilingiwa, co mukazivuka nakumona ngeci vuvi vweni vunaama manene ku mesho a Shukulu Kalunga, omo yeni mwamulombele mwene.”

1 Samwele 12:17 Iomraidhean Croise

Myaso 99:6

Mosesa na Alone vapwile vaka-kukombelela vendi, Samwele wapwile umo wa vaje valombelele kuli Shukulu Kalunga, co ikeye wakumbulwile malombelo avo.

Kutuuka 32:30

Co alikaki Mosesa wendekele kuli vanu ngwendi, “Munalingi vuvi vwakukomokesa manene. Oloni ololo njilinakulamata lalo ku munkinda kuli Shukulu Kalunga, amo njikasa kuwanako kwambesa vuvi vweni.”

Visimo 26:1

Kushangazala cilema kunapu ngwe mema akukonda a nyangao, nambe ngwe nyonzi ya a simbu ya kuteja.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Yoshwa 10:12

A litangwa lije Shukulu Kalunga waanene nzili vaIsalele yakufungulula vaAmoli, Yoshwa wendekele kuli Shukulu Kalunga ku mesho a vaIsalele ngwendi, “Ove litangwa, imana akamwa ya Ngimbiyone, nove ngonde, imana akamwa ya Cana ca Ainjalone.”

1 Samwele 12:13

“Ololo kengeni mwene imunaangula ou, mwamulombele, ngeci ololo Shukulu Kalunga namyanaye.

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 2:10

“Vitozi va Shukulu Kalunga vakavanyongesa, akavahyatwila mihyato mwilu. Shukulu Kalunga akasompa kaye koshe, ikeye akana nzili kuli mwene yendi, akahyanesa mwene uje yanalyangwila.”

1 Samwele 7:5

Asinoni Samwele wasanene vaIsalele voshe valiwanene ku Mizipa, co wavalekele ngwendi, “Njikamilombelela kuli Shukulu Kalunga kuje vene.”

1 Samwele 8:6

Samwele kavwaelelele a cihula cavo caali mwene, ngecivene, ikeye walombelele kuli Shukulu Kalunga,

1 Samwele 8:7

co Shukulu Kalunga wendekele ngwendi, “Tolilila ku vyuma vyoshe vije vivendeka vanu kuli yove. Kesi yove ivanavyana embwe, oloni vanavyana yange kupwa mwene yavo.