1 Samwele 12:13 - Livulu lya Shukulu Kalunga

¹³ “Ololo kengeni mwene imunaangula ou, mwamulombele, ngeci ololo Shukulu Kalunga namyanaye.

1 Samwele 12:13 Iomraidhean Croise

Hoziya 13:11

Mukuluvala kwange njamyanene vimyene, co omo lalo njaluvalele manene njavatundisileko.

Vilinga vya Miluwa 13:21

Co valombele ngeci vakale na mwene, co Njambi wavanene Saulu muna Kishe wa ku muyati wa Mbenjemani ngeci apwe mwene yavo a myaka makumi awana.

1 Samwele 10:24

Co Samwele wendekele kuli vanu ngwendi, “Ou ikeye munu yanamyangwila Shukulu Kalunga! Co kukwesi wakufwa ngwe ikeye akati keni.” Co vanu voshe vatambekele ngwavo, “Mwene ayoye myaka yoshe!”

1 Samwele 11:15

Ngecivene, voshe vaile ku Ngilingale, co kuje ku mwela wakujela vambulwile Saulu ngwavo napu mwene yavo. Vakombelelele vin̄ombelo vya kulitombola, co Saulu na vanu voshe va Isalele valisambele.

1 Samwele 12:17

Simbu ino inapu ya malanga. Oloni njikalombela kuli Shukulu Kalunga, ngeci atume muhyato na nyonzi. Nga eci cilingiwa, co mukazivuka nakumona ngeci vuvi vweni vunaama manene ku mesho a Shukulu Kalunga, omo yeni mwamulombele mwene.”

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 8:5

vendekele kuli ikeye ngwavo, “Kenga, ololo unakuluvala, co vana vove kuvesi nakwenda mu vingila vyove embwe. Ngecivene, twangwile mwene uje akatushwana ngeci tufwe ngwe miyati yeka.”

1 Samwele 9:20

Ngwe a vimulu vaje vanazimbalele a matangwa atatu, kesi mulinyenge, vanavawana laja. Oloni iyajo ivashaka manene vanu va Isalele? Zivuka ngwove yove vene na naanga ya isho.”