1 Samwele 12:12 - Livulu lya Shukulu Kalunga

¹² Oloni omo mwamwene Mwene Nahashe wa vaAmoni ali muyehi nakumilwisa, co mwavyanene Shukulu Kalunga kupwa mwene yeni, mwendekele kuli yange ngweni, ‘Tushaka mwene atushwane.’

1 Samwele 12:12 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Myaso 74:12

Oloni yove Njambi, tunde ku san̄ulu unapu u mwene yetu, unatwamena visimbu vyavingi.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Njelemiya 40:11

A simbu imo, vaIsalele voshe vaje vakele mu Mowavi, na Amoni, na Endome, na mafuti eka, vazivile ngwavo mwene wa Mbambilone natava vaIsalele vamo kukala mu Yunda, co napwisa Ngendaliya nguvulu wavo.

Hoziya 13:10

Mwalombele mwene na vantwama, oloni vatijo vasa kwamena lifuti?

Kulava 23:21

Ikeye kamwene vuvi muli Yakomba nambe tuyando muli Isalele. Shukulu Kalunga Njambi yavo ali amo navo, vakevo valinakwambulula ngeci ngwavo ikeye wapwa Mwene yavo.

Maako 8:23

Oloni Ngilyone wavakumbulwile ngwendi, “Yange kunjikamishwana embwe, nambe munange kakamishwana. Shukulu Kalunga ikeye akapwa muka-kumishwana.”

Maako 9:18

Oloni ku litangwa lya lelo yeni munatengulukila naanga ya tate nakuyilwisa. Munatsii vana vendi va vanalume vakupwa 70 a limanya limolika, co munapwisa Avimeleke, munendi wa munalume yakitilile kuli ndungo yendi wa munakazi kupwa mwene wa ku Shekeme, omwo wapwa kavushoko keni.

1 Samwele 10:19

Yange Njambi yeni, uje wamipatwile ku tuyando tweni twoshe nakukukaluwa kweni kwoshe, oloni ku litangwa lya lelo munanjivyana, co munanjilombo ngeci njimyane mwene. Mwamuvwa, ngecivene, likungululeni ku mesho a Shukulu Kalunga mu miyati yeni na mu vikota vyeni.’ ”

1 Samwele 8:3

Oloni kuvendele mu vingila vya ishavo, vakele nakuvwaelela lika na vimbongo, ngecivene, vakele nakutambula vimbongo vya lizika-kanwa, kuvakele nakusompa vin̄anda mu vushunga.