1 Samwele 11:13 - Livulu lya Shukulu Kalunga

¹³ Oloni Saulu wendekele ngwendi, “Naumo wai ivakatsiya ku litangwa lya lelo, omwo litangwa lya lelo Shukulu Kalunga namena Isalele.”

1 Samwele 11:13 Iomraidhean Croise

2 Samwele 19:22

Oloni Ndaviti wendekele kuli Avishai na ndolome yendi Yowave ngwendi, “Iyajo nehula viyongola vyeni? Kuma yeni mushaka kunjaka mu vukalu ndi? Ololo yange njinapu mwene wa vaIsalele, co kukwesi lalo kaIsalele ivakatsiya ku litangwa lya lelo wai.”

2 Samwele 19:23

Co Ndaviti wendekele kuli Shimei ngwendi, “Njendeka nakukukulaesa ngwange kuukatsi.”

2 Samwele 23:10

oloni ikeye wasalele, co walwile na vaFilisitiya noo livoko lyendi lyakele na cingole, co kasele kupangesa mukwale wendi. Co a litangwa lije Shukulu Kalunga wahyanene nzita yakama. Omo nzita yahwile, co vaIsalele velukile kuje kwakele Elyazale, co wambatele vintelo vya vaje vatsile.

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Kutuuka 14:30

Likelyo litangwa lije Shukulu Kalunga wamenene vanu vaIsalele kuli vaka-Ingito, co vaIsalele vamwene mitunu ya vaka-Ingito vanalala vanatsi ku ngenge ya mema a kalunga.

Isaya 59:16

Ikeye nalikomokela manene akumona ngeci kukwesi uje akwasa vaka-kuyanda. Ngecivene, akapangesa livoko lyendi lya nzili mukuvapatula nakuhyana.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Samwele 10:27

Oloni vikolokomba vamo vendekele ngwavo, “Munu ou akatwamena vatijo?” Co vamuyeluwisile kuvamuneneleleko vwana. Oloni Saulu wolokele kuluu.

1 Samwele 14:45

Oloni vanu vendekele kuli Saulu ngwavo, “Kuma Yonatana, ou nahyanesa manene Isalele, vamutsiye ndi? Embwe! Tulisinga ali Shukulu Kalunga wakuyoya ngwetu, kakasa kuzimbalesa nameme cin̄ambu ca ku mutwe wendi. Eci canalingi ku litangwa lya lelo cinapu kukwasa kwa Njambi.” Ngecivene, vanu vaamenene Yonatana kukumutsiya.

1 Samwele 19:5

Ikeye wecelele mwonyo wendi omo watsiile Ngolyata, co Shukulu Kalunga wahyanesele manene vaIsalele. Omo wamwene vyuma evi, co wavwaelelele. Omwo vikajo ushaka kulinga mwamuvi kuli munu wakujeneka mulonga akutsiya Ndaviti omwo kesi na mulonga?”