1 Samwele 10:19 - Livulu lya Shukulu Kalunga

¹⁹ Yange Njambi yeni, uje wamipatwile ku tuyando tweni twoshe nakukukaluwa kweni kwoshe, oloni ku litangwa lya lelo munanjivyana, co munanjilombo ngeci njimyane mwene. Mwamuvwa, ngecivene, likungululeni ku mesho a Shukulu Kalunga mu miyati yeni na mu vikota vyeni.’ ”

1 Samwele 10:19 Iomraidhean Croise

Visimo 16:33

Vanu vakate n̄ela ngeci vawane cizango ca Njambi, oloni Njambi ikeye muka-kutava vije vinapande kulingiwa.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Kulava 11:20

oloni mukailya ngonde yoshe yamutunu, noo mukayenukwa. Eci cikalingiwa omwo yeni munavyana Shukulu Kalunga ou ali akati keni, co munalinyenyetelele kuli ikeye ngweni omwo vikajo twatundilile mu Ingito!’ ”

Kulava 17:2

“Leka vanu va Isalele vakwane milamu likumi na ivali, ku muyati umo na umo vakwane umo. Co soneka lizina lya munu na munu a mulamu wendi,

Kwituluka mu Mashiko 17:14

“Omo muketa mu lifuti lije lyakamyana Shukulu Kalunga Njambi yeni kulishwana nakukalamo, asinoni mukayongola kukala na mwene ngwe miyati yoshe vaje vanamizengeleka.

Yoshwa 24:1

Asinoni Yoshwa wakungulwile miyati yoshe ya Isalele amolika ku Shekeme. Co wasanene vakulunu, na vantwama, na maako, na vamyata va Isalele, co vezile ku mesho a Njambi.

Maako 8:23

Oloni Ngilyone wavakumbulwile ngwendi, “Yange kunjikamishwana embwe, nambe munange kakamishwana. Shukulu Kalunga ikeye akapwa muka-kumishwana.”

1 Samwele 10:20

Asinoni Samwele wasanene muyati na muyati kulutwe, co Shukulu Kalunga waangwileo muyati wa Mbenjemani.

1 Samwele 12:12

Oloni omo mwamwene Mwene Nahashe wa vaAmoni ali muyehi nakumilwisa, co mwavyanene Shukulu Kalunga kupwa mwene yeni, mwendekele kuli yange ngweni, ‘Tushaka mwene atushwane.’

1 Samwele 14:23

A litangwa lije Shukulu Kalunga wamenene Isalele, co valwile nzita vatuvakanene Mbetevane.

1 Samwele 14:38

Co Saulu wendekele kuli vantwama va vanu ngwendi, “Ijeni kuno tumone vuvi muka vutunavulumuna ku litangwa lya lelo.

1 Samwele 3:21

Co Shukulu Kalunga washolokele ku Shilo, kuje wendekele na Samwele simbu yakulivanga. Omo Samwele wendekele, co Isalele yoshe vamutolililile.

1 Samwele 4:1

A simbu ije vaFilisitiya valikungulwile kuya nakulwisa Isalele. Ngecivene, vaIsalele vaile nakuvalwisa. VaIsalele vatungile cilombo cavo ku Embenezele, co vaFilisitiya vatungile cilombo cavo ku Afeke.

1 Samwele 8:19

Oloni vanu vavyanene majwi endekele Samwele, vendekele ngwavo, “Embwe! Yetu tushaka mwene,

1 Samwele 8:5

vendekele kuli ikeye ngwavo, “Kenga, ololo unakuluvala, co vana vove kuvesi nakwenda mu vingila vyove embwe. Ngecivene, twangwile mwene uje akatushwana ngeci tufwe ngwe miyati yeka.”