1 Samwele 1:24 - Livulu lya Shukulu Kalunga

²⁴ Omo wamushumwine, waile nendi ku Shilo, amo na muna ngombe wa nkomba wa myaka itatu, na mutonga wa vunga vwa makilo likumi, na njeke ya cilambu yakushula ya vinyu. Co waile na Samwele ku Njuvo ya Shukulu Kalunga ku Shilo, nameme Samwele wapwile wamundondo.

1 Samwele 1:24 Iomraidhean Croise

Kushangumuka 21:8

Mwana wakulile, co omo wetele a litangwa lije washumukile, Avilahama walingile ciwano cakama.

1 Vimyene 11:20

Uje munakazi wakele na mwana wa munalume, lizina lyendi Ngenumbate, co vamwene wamulelele mu lipela, wakele amo na vana va mwene va vanalume.

Mateo 13:33

Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe musima uje wanonele munakazi nakuutsingasana na malita makumi awana a vunga vwa tiliku mu lilonga, noo mukasha woshe wafutunukile.”

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

Yoshwa 18:1

Omo vaIsalele vanatambula laja lifuti, co mbunga yoshe valikungulwilile ku Shilo, vashimbikile Mbalaka Mwakuliwanena.