1 Samwele 1:22 - Livulu lya Shukulu Kalunga

²² Oloni a simbu ije Hana kaile. Walekele munalume wendi ngwendi, “Omo mwanike akashumuka, co njikamutwala ku Njuvo ya Shukulu Kalunga, ngeci akakaleko simbu yoshe yakuyoya kwendi.”

1 Samwele 1:22 Iomraidhean Croise

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 23:6

Mwa vushunga vuvwa na cizemo vikanjikava matangwa oshe akuyoya kwange, co njikakala mu Njuvo ya Shukulu Kalunga myaka yoshe yakuyoya kwange.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Kutuuka 21:6

asinoni shukulu yendi akamutwale ku mesho a Njambi ku mutambela wakulemesela. Kuje akamwimika ku cikolo nambe ku cipamba ca cikolo, co amutuve ku litwi lyendi. Asinoni akapwa ndungo yendi wa myaka yoshe.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

VaLevi 25:23

“Livu lyeni kesi mukalilandeselele embwe, omwo kesi lyeni, linapu lya Njambi, omwo yeni munapu ngwe vaka-kwija vaje vavanatavesa lika kupangesako ngoco.

Luka 2:22

Co omo matangwa apwilemo akulijelesa, Yosefa na Maliya valingile ngwe ku Lishiko lya Mosesa. Ngecivene, vatwalele mwanike ku Yelusalema ngeci vakamwane kuli Shukulu Kalunga,

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

Yoshwa 4:7

Co mukavaleka ngweni, ‘Mema a mu Yondau alikelele kwita omo Cikasa ca Cikumiiyo ca Shukulu Kalunga cajavukile Ndonga ya Yondau. Co mamanya awa anapu canukiso ca ku myaka yoshe ca vanu va Isalele a vyuma vije vyalingiwile kuno.’ ”

1 Samwele 1:11

Co Hana walisingile cisingo ngwendi, “Yove Shukulu Kalunga Muka-nzili yoshe, kenga a tuyando twa ngamba yove! Njanuke kesi wivale ngamba yove! Nga unjana mwana wa munalume, co njikulaesa ngeci njikamukundika kuli yove mukuyoya kwendi kwoshe ngeci ikeye kakateula vin̄ambu vyendi.”

1 Samwele 1:28

Ngecivene, njilinakumukundika kuli Shukulu Kalunga. Akapwe wa Shukulu Kalunga simbu yoshe yakuyoya kwendi.” Co ikeye walemesele Shukulu Kalunga kuje vene.

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.

1 Samwele 2:11

Asinoni Elekana welukile kwimbo lyendi ku Lama, oloni mwanike Samwele wasalele ku Shilo nakupangela Shukulu Kalunga, wakele ku mavoko a Eli muka-kukombelela.

1 Samwele 2:18

Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.

1 Samwele 28:2

Co Ndaviti wamukumbulwile ngwendi, “Yange nji ngamba yove, ukalimwena yove vavenya vije vinjikalinga.” Akishe wendekele ngwendi, “Mwamuvwa, njikakupwisa muka-kunjinyunga ku myaka yoshe.”

1 Samwele 3:1

A matangwa aje, omo mwanike Samwele wakele nakupangela Shukulu Kalunga mwisi ya Eli, majwi kuli Shukulu Kalunga apwile lika amandondo, co vimona vyakutunda kuli ikeye kuvyatumine.