1 Samwele 1:19 - Livulu lya Shukulu Kalunga

¹⁹ Alikaki mutondo-tondo Elekana, na naanga yendi valemesele Shukulu Kalunga, co velukile kwimbo lyavo ku Lama. Elekana walimwene na munakazi wendi Hana, co Shukulu Kalunga wakumbulwile lilombelo lya Hana.

1 Samwele 1:19 Iomraidhean Croise

Kushangumuka 21:1

Shukulu Kalunga wavezikisile Sala ngwe muje mwamukulaesele,

Kushangumuka 30:22

Asinoni Njambi wanukile lalo Lakele, wakumbulwile lilombelo lyendi, co washokolwele shivu yendi ngeci akale na vana.

Kushangumuka 4:1

Andama na Eva vakele na mwana wa munalume, co Eva wendekele ngwendi, “Akukwasa kwa Shukulu Kalunga njinawana mwana wa munalume.” Ngecivene, wamulukile lizina lyendi Kaini.

Kushangumuka 8:1

Oloni Njambi wanukile Nowa na tusitu voshe na vimuna voshe vaje vakele amo nendi mu vwato, co Njambi wauwisile lihunzi asi, mema ashangumukile kuuvuluka.

2 Vimyene 4:17

Oloni capwile ngacije vene ngwe mwendekele Elisha, akweta mungolosika a simbu ije vene, uje munakazi wakitile mwana wa munalume.

Myaso 119:147

Omo litangwa kanda lituuke, njilombela kuli yove ngeci unjikwase, njinaka cinyangavili cange mu majwi ove.

Myaso 136:23

Ikeye katwivalele omo vatufungulwile, omwo cizemo cendi cije kucesi kutenguluka cakala ku myaka yoshe.

Myaso 25:7

Njisambese ku vivi vyange na ku milonga ya a vukwenje vwange. Njanuke, Shukulu Kalunga! Omo cizemo cove cije kucesi kutenguluka na vuvwa vwove!

Myaso 5:3

Yove Shukulu Kalunga ukazivi lijwi lyange ku mutondo, co akutuuka kwa litangwa njikakombelela n̄ombelo, nakuvandamena kukumbulula kwove.

Myaso 55:17

Kulinyenga kwange nakukemanga kwange, vilinakweta kuli ikeye mutondo, na mutanya, na vutsiki, co ikeye aziva lijwi lyange.

Mako 1:35

Co alikaki mutondo-tondo, simbu kanda kukye, Yesu wendukile, co watuukile mu njuvo. Waile mu mambo endi lika nakulombela.

Luka 23:42

Co wendekele kuli Yesu ngwendi, “Yesu njanuke, omo ukaija mu vumwene vwove.”

Yoshwa 18:25

Co kwakele lalo Ngimbiyone, na Lama, na Mbelote,

1 Samwele 1:1

Kwakele munalume umo lizina lyendi Elekana, wa ku naanga ya Efalime, wakele mu limbo lya Lama, mu lifuti lya malundu lya Efalime. Wapwile muna Yelohame mutekulu wa Elihu, muna Tohu, wa ku cikota ca Zufe.

1 Samwele 1:11

Co Hana walisingile cisingo ngwendi, “Yove Shukulu Kalunga Muka-nzili yoshe, kenga a tuyando twa ngamba yove! Njanuke kesi wivale ngamba yove! Nga unjana mwana wa munalume, co njikulaesa ngeci njikamukundika kuli yove mukuyoya kwendi kwoshe ngeci ikeye kakateula vin̄ambu vyendi.”

1 Samwele 15:34

Asinoni Samwele waile ku Lama, co Mwene Saulu waile kwimbo lyendi ku Ngimbeya.

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.

1 Samwele 19:18

Ndaviti wavombolokele, waile kuli Samwele ku Lama, co wakamulekele vyoshe vije vyalingile Saulu kuli ikeye. Asinoni Ndaviti na Samwele vaile ku Nayote vakakele kuje.

1 Samwele 2:11

Asinoni Elekana welukile kwimbo lyendi ku Lama, oloni mwanike Samwele wasalele ku Shilo nakupangela Shukulu Kalunga, wakele ku mavoko a Eli muka-kukombelela.

1 Samwele 25:1

Samwele watsile, vaIsalele voshe vakungulukile nakumulila. Co vamutsindile mwimbo lyendi mu Lama. Munima yevi, Ndaviti waile mu mambo ya Palane.

1 Samwele 7:17

Asinoni welukile kwimbo lyendi ku Lama, co kuje wapwile lyaako. Co ku Lama watungilile Shukulu Kalunga mutula.

1 Samwele 8:4

Asinoni vantwama voshe va Isalele valikungulwile amo, co vaile kuli Samwele ku Lama,

1 Samwele 9:26

co walalele kuje. A mungulungengu, Samwele wasanene Saulu akamwa ya ciluli cakusivama ca njuvo ngwendi, “Induka uye.” Ngecivene, Saulu wendukile, co Saulu na Samwele vaile amolika mu tapalo.