1 Petulu 5:2 - Livulu lya Shukulu Kalunga

² pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.

1 Petulu 5:2 Iomraidhean Croise

2 Vimyene 12:6

Oloni mu mwaka wamumakumi avali na itatu wakushwana kwa Yowashe, vaje vaka-kukombelela kuvavwaesele Njuvo ya Shukulu Kalunga embwe.

Myaso ya Solomoni 1:8

Yove uwamuvwa manene akati ka vanakazi, nga kuuzivuka kuje ku mutambela, ya nakukava vutanga vwa vimanga, co lisila vimembe vove kuyehi na vimbalaka vya tunyungi.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Isaya 6:8

Asinoni njazivile lijwi lya Shukulu Kalunga ngwalyo, “Iyajo injikatuma! Iyajo akapwa muluwa wetu?” Co njakumbulwile ngwange, “Yange unoye! Njitumeni!”

Isaya 63:11

Oloni vanu vendi vanukile vyuma vyakulaja, a matangwa a Mosesa, ngamba ya Shukulu Kalunga, co vehwile ngwavo, “Shukulu Kalunga ali kulijo ololo, uje waamenene vantwama va vanu vendi ku mema a kalunga? Shukulu Kalunga ali kulijo, uje waanene Munzinzime wendi kuli Mosesa?

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 13:20

Vaka-Yelusalema, kengeni! Vitozi veni valinakwija kutunda ku kunto! Vali kulijo vanu vaje vavamikundikile kuvanyunga, vanu vaje mwakele nakulyaleselao?

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Ezekiyele 34:31

“Yeni vimanga vange, munapu vimanga va ku vulilo vwange, munapu mu vanu vange, co yange njinapu Njambi yeni.” Mwanendeka Shukulu Kalunga wa Akamwa ya Vyoshe.

Ezekiyele 46:24

Co uje munalume wanjilekele ngwendi, “Evi vikevyo vipiko muje vangamba va ku Njuvo ya Shukulu Kalunga vakatelelelamo vin̄ombelo vivakakombelela vanu.”

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Zakaliya 11:17

Kanyungi uje wakujeneka seo navindama! Naseze vutanga vwendi. Mwa vushunga nzita ikamanesa nzili yendi. Livoko lyendi likasekwa, co lisho lyendi lya ku cilyo likatsa.”

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Vilinga vya Miluwa 20:29

Njazivuka ngwange omo njiya, tungunga va vukalu vakaija akati keni, co kuvakatetela vutanga.

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

Loma 1:15

Ngecivene, njishaka manene kwambulula Vin̄anda Vyavivwa kuli yeni lalo muli mu Loma.

1 Kolinte 9:7

Kuma mashwalale vakalifwetela vakevo vavenya mu vipangi vyavo vya vushwalale ndi? Nambe ndimi muka uje kesi kulya ku vushuka vwa mikolovozi ya vinyu vwa mu lihya lyendi? Nambe kanyungi muka uje kesi kunwa mavele a ku vimanga vendi?

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

1 Timateo 3:8

Vakwasi va mu cikungulukilo lalo vanapande kupwa va futisi yaivwa na kasingimiko, kuvapandele kupwa vaka-kunwa manene vinyu nambe vapwe vaka-cipululu ca vimbongo,

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 3:1

Anukisa vanu vove vapwe vaka-kulikeesa kuli vaka-kushwana na vaje vali na moko yakushwana, ngeci vavononoke, nakulivwaesela mukulinga mwamuvwa mu vyuma vyoshe.

Filimoni 1:14

Oloni kunjishaka kulinga cuma cakujeneka yove kuzivuka, njishaka yove ucilinge na cizango ca mbunge yove. Ngecivene, kunjasa kulinga cuma cimo kuvanga yove unatava.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!