1 Petulu 4:7 - Livulu lya Shukulu Kalunga

⁷ Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Petulu 4:7 Iomraidhean Croise

Kushangumuka 19:35

Ngecivene, a vutsiki vuje, vanwisile ishavo lalo vinyu vyakulula, co uje munendi wa mwanike walimwene nendi. Oloni Lote wapendele lalo manene, kazivukile vije vyalingiwile.

Kushangumuka 6:13

Co Njambi wendekele kuli Nowa ngwendi, “Njayongola kuzilula vanu voshe. Njikavanyongesa voshe amolika na kaye, omwo kaye kanashulu na vilinga vyavo vyavivi.

Muka-kwambulula 7:2

Mwamuvwa kuya ku njuvo kuje kuli vusiwa, kutuvakana kuya ku njuvo kuje kuli ciwano, omwo vaje valinakuyoya vanapande kulyanukisa ngeci kutsa catuvandamena yetu voshe.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Ezekiyele 7:6

Kunahu. Oku kukekwo kukotoka. Unanyongo.

Mateo 24:42

“Ngecivene, nyanyameni omwo kumuzivuka simbu ije yakaija Mwene yeni.

Mateo 25:13

Co Yesu wamanesele kwendeka ngwendi, “Nyanyameni omwo kumuzivuka litangwa nambe simbu.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Luka 22:46

Wendekele kuli vakevo ngwendi, “Omwo vika munalala? Indukeni mulombele, kutewa mukakovela mu vyeseko.”

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

1 Kolinte 15:24

Asinoni kukotoka kukaija, Kilistu akafungulula voshe vaka-kushwana, vaka-moko, na vaka-nzili, co akana Vumwene kuli Ishe Njambi.

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

Filipu 4:5

Mweseni kalemeso kuli vanu voshe. Mwene alinakwija ololo.

Kolose 4:2

Kakateyeni mu malombelo, co pweni vaka-kukengelela omo mulombela, nakukandelela kuli Njambi.

2 Timateo 4:5

Oloni yove unapande kulinyunga mu vyuma vyoshe, kakakateya mu tuyando, linga vipangi vya muka-kwambulula Vin̄anda Vyavivwa, co panga vipangi vyove ngwe ngamba ya Njambi.

Tito 2:12

Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama,

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.

VaHevelu 9:26

nga ngoco ni, nga wapandele kuyanda visimbu vyavingi tunde aje vatangelele kaye. Oloni ku shongo ya myaka, washolokele lumolika kuli voshe, mukutundisa vuvi mukulikombelela ikeye vavenya.

1 Petulu 1:13

Ngecivene, livwaeseleni cimweja mu viyongola vyeni. Kengeleleni, co akeni cinyangavili ceni a vivezikiso vije vivakamyana omo Yesu Kilistu akasholoka.

1 Petulu 3:7

Mu cifwa cimo vene, yeni vanalume lalo mukukala amo na vanakazi veni munapande kuzivisisa mwamuvwa ngweni vakevo vapwa vakuvotsiya ku cisemwa cavo. Pangeni navo na kasingimiko, omwo na vakevo lalo vakatambula amo neni vwana vwa Njambi vwa mwonyo. Lingeni ngeci kutewa cuma cimo cikatanganesa malombelo eni.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 16:15

“Tolilileni! Njilinakwija ngwe mwizi! Navezika uje atumbama nakukengelela nakunyunga vuzalo vwendi, ngeci kesi ende mushelengwa nakuziva shwamwa ku mesho a vanu!”