1 Petulu 4:6 - Livulu lya Shukulu Kalunga

⁶ Eci cikeco cuma vambulwilile Vin̄anda Vyavivwa kuli vatsi, kuli vaje vavasompele mukuyoya kwavo kwa muvila ngwe muje muvakasompo vanu voshe, vavambulwililevyo ngeci mukuyoya kwavo kwa minzinzime vayoye ngwe muje mwashaka Njambi.

1 Petulu 4:6 Iomraidhean Croise

Mateo 24:9

“Asinoni vakamikwata nakumiyandesa nakumitsiya, co miyati yoshe vakamizinda omwo lizina lyange.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

Ngalatiya 2:19

Omwo njatsile ku Majwi a Lishiko ngeci njiyoye muli Njambi.

Ngalatiya 5:25

Munzinzime natwana mwonyo, co napande lalo kunyunga myonyo yetu.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Petulu 3:19

co mu cifwa cendi ca munzinzime waile nakwambulula kuli minzinzime yakele mu kamenga.

Kujombolola 14:18

Asinoni kangelo mukwavo uje wakele na moko yakupangesa tuhya watundile ku mutula. Watambekele na lijwi lyakama kuli uje kangelo wakele na moko yakuvambuka yakutejesa ngwendi, “Pangesa moko yove yakutejesa, co vatozola vushuka ku mikolovozi ya vushuka vya vinyu vwa ano asi, omwo vushuka vunahi laja!”