1 Petulu 4:3 - Livulu lya Shukulu Kalunga

³ Mwombilile simbu yakama kunima mukulinga vivakazeme kulinga vaje vaka-kujeneka kukulaela. Mwombilile kuyoya kweni mu vuvi na mu mashungu amavi na mukupenda na mukukina na mu vimunga vyakunwa na mu vunyengwe vwakulemesa tumponya.

1 Petulu 4:3 Iomraidhean Croise

2 Samwele 13:28

co Avisalome washikile vangamba vendi ngwendi, “Kengeseseni mwamuvwa Aminone omo nanu manene, co njimishika ngwange mutsiyeni, kesi mukale na lyova embwe. Yange njinamishiki. Pweni vaka-kusimpa kesi muzive lyova!”

1 Vimyene 21:26

Ikeye walingile vuvi vwa shwamwa yakama manene akulemesa tumponya, ngwe muvalingile vaAmoli, vaje vashekele Shukulu Kalunga mu lifuti nakulyana kuli vaIsalele.)

2 Mizimbu 15:8

Omo Asa wazivile vuka-kwimanena vuje vwambulwile Azaliya muna Ondende, co wakolesele. Watundisile tumponya mu lifuti lya Yunda na Mbenjemani, na tumponya twoshe tuje twakele mu vinganda vije vyafungulwile mu lifuti lya malundu lya Efalime. Co lalo watungulwile mutula wa Shukulu Kalunga uvashimbikile mu cipango ca ku Njuvo ya Shukulu Kalunga.

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 5:11

Ngongo yeni! Yeni mumenekela kunwa vwala mutondo-tondo, co mupenda vutsiki vwoshe.

Isaya 65:4

Ku vutsiki vaya ku manzenzengoma na ku vimbumbo mukwihula ku minzinzime ya vaka-kutsa. Valya situ ya ngulu, co vauvila musozi wa situ yakukombelela ku vin̄ombelo vya vaka-kujeneka kukulaela.

Njelemiya 16:11

Asinoni ukavaleka ngwove Shukulu Kalunga nendeka ngwendi, ‘Omwo vakukulwila veni vanjikengesele nima, valemesele nakupangela vinjambi veka. Vanjisezele kuvononokele vilongesa vyange.

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Ezekiyele 44:6

“Leka vanu va Isalele vaje vaka-kutengulukila ngwove yange Kalunga wa Akamwa ya Vyoshe, kunjikongozola lalo vyuma vya vunyengwe vije vivakele nakulinga.

Ezekiyele 45:9

Shukulu Kalunga wa Akamwa ya Vyoshe wendekele ngwendi, “Yeni vaka-kushwana va Isalele munavulumuna simbu yakama manene! Likeleni muuka na lipakeso. Lingeni vije vyakushungama na vushunga. Kesi lalo musheke vanu vange mu lifuti lyavo embwe. Yange Kalunga wa Akamwa ya Vyoshe, njimileka evi.

Mako 7:22

kulinga vupangala, kuliveya, nakulinga vyuma vyoshe vya vivi, kukwisa, mashungu amavi, cipululu, vungumba, kulyalesa, na vulema,

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

Ngalatiya 5:19

Vije vicilinga cisemwa ca vunu vinatungukwa manene. Cilimwesa cikeco vavenya mu vupangala nakulijwalesa na vilinga vya kukezima,

Ngalatiya 5:21

vakevo vaka-mafuwa, vaka-kupenda nakukina nakulinga vyuma vyeka ngwe evi. Njilinakuminangula ngwe munjaminangwile laja ngwange, vaje voshe valinakulinga vyuma evi kuvakakovela mu Vumwene vwa Njambi.

Efeso 5:18

Kesi mupende na vinyu, vije vyasa kumiviisa, oloni shuleni na Munzinzime.

1 Tesalonika 4:5

kesi na mashungu amavi, ngwe vaka-kujeneka kukulaela vaje kuvazivuka Njambi.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.