1 Petulu 4:12 - Livulu lya Shukulu Kalunga

¹² Vasamba vange vanjazema, kesi mukomoke a ceseko ngwe ca tuhya cije mulinakuyanda naco, ngwe cikeco cinapu cuma cimo caciha cilinakulingiwa kuli yeni.

1 Petulu 4:12 Iomraidhean Croise

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Isaya 28:21

Shukulu Kalunga akalwa ngwe mwalwile a Munkinda wa Pelazime na mu Cimbongo ca Ngimbiyone, oloni a simbu eyi Shukulu Kalunga akalinga cuma cakukomokesa, kesi ngwe muje mumunayongola yeni embwe.

Ndanyele 11:35

Vantwama vamo va mana vakavatsiya, oloni vutumbe ovu vunapu vwakujelesa vanu. Eci cikalingiwa noo akukotoka, simbu ije yanemika Njambi.

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

2 Timateo 3:12

Woshe uje ashaka kuyoya vuyoye vwa vu Njambi vuje vuli muli Kilistu Yesu akamona mapakeso,

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

1 Petulu 4:4

Co ololo vaka-kujeneka kukulaela vanalikomokela omo kumwesi nakulipandakana navo mukuyoya kwa muuka na vunyengwe, co valinakumishaula.

1 Petulu 5:9

Imaneni mbe mukukulaela kweni, co muvyaneni, omwo mwazivuka ngweni vaka-kukulaela veka mu kaye mwoshe valinakuyanda tuyando twa muyati ou vene.