1 Petulu 4:10 - Livulu lya Shukulu Kalunga

¹⁰ Umo na umo, ngwe muka-kupangesa mwamuvwa vwana vwa Njambi vwakuliseza-seza, napande kupangesa vwana vwendi vwanatambula kuli Njambi mukukwasa vakwavo veka.

1 Petulu 4:10 Iomraidhean Croise

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 24:14

Co evi Vin̄anda Vyavivwa vya Vumwene vakavyambulula mu kaye mwoshe ngwe kupwa vukaleo ku miyati yoshe, co asinoni kukotoka kwa kaye kukaija.

Mateo 24:21

Omwo a matangwa aje kukakala n̄avava ije kanda vaimoneo laja tunde akutanga kwa kaye kweta nalelo lino. Nambe kulutwe kuyikakalako lalo.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Mateo 25:17

Mu ngila imo lalo ngamba uje watambwile vimbongo vyakupwa 2,000 waile nakukasekasana, co wawaneneo lalo vimbongo vyakupwa 2,000.

Mateo 25:44

“Asinoni vakamukumbulula ngwavo, ‘Mwene, simbu ikajo twakumwene uli na njala, nambe na lihwila, nambe u mungenzi, nambe na vuzu, nambe nakuvinja, nambe mu kamenga, co tujeneke kukukwasa?’

Mako 10:45

Omwo Muna Munu wezile, kezile ngeci vanu vamupangele embwe, oloni wezile mukupanga nakwana mwonyo wendi ngeci apatule vanu vavangi.”

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 19:13

Omo kanda aye, co wasanene vangamba vendi likumi, co wavanene umo na umo mbongo ya ngolinde nakuvaleka ngwendi, ‘Moneni vika mukawanao a vyuma evi a simbu ije omo yange njinai.’

Luka 8:3

na Yowana munakazi wa Kuza uje wapwile mukulunu wa mu mbanja ya Helonde, amo na Suzana, na vanakazi veka vavangi vaje vapangesele vyavo mukukwasa Yesu na vandongesi vendi.

Loma 15:25

Co ololo, njiya ku Yelusalema nakupangela vanu va Njambi kuje.

Loma 15:27

Vakevo vavenya vayongwele kulinga ngeci, oloni a n̄anda eyi, vakevo vali na likongo ngeci vavakwase. Omwo vaYunda vaaneneko vivezikiso vyavo vya munzinzime kuli vaje kesi vaYunda, co vaje kesi vaYunda vanapande kupangesa vivezikiso vyavo vya vufuko mukukwasa vaYunda.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

1 Kolinte 3:10

Akupangesa vwana vuje vwanjanene Njambi, njalingile vipangi vya muka-kutunga wa vutongwe nakujala luvula, co munu weka lalo alinakutungilao. Oloni munu na munu napande kunyanyama omo alinakutungila a luvula luje.

1 Kolinte 4:7

Omwo iyajo namilingisa ngeci muhyane vakweni? Kuma Njambi kamyanene vyuma vyoshe mulinavyo ndi? Nga mwavitambwile, omwo vika mulishashela ngwe kumwavitambwile vyavwana?

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

2 Kolinte 9:1

Kunjapandele lalo kumisonekela a ngila yakukwasa nakutuma vwana kuli vanu va Njambi vali mu Yundeya.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

2 Timateo 1:18

Mwene akamwane kutetela kwendi a Litangwa lije! Wazivuka mwamuvwa kukwasa kwendi muje njakele mu Efeso.

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.