1 Petulu 3:8 - Livulu lya Shukulu Kalunga

⁸ Akukotoka, yeni voshe munapande kukala na kulitombola kumo na viyongola vimo, lizemeni umo na mukwavo, co kaleni na ngozi na kulikeesa ku umo na mukwavo.

1 Petulu 3:8 Iomraidhean Croise

Myaso 103:13

Ngwe ishe ya munu atetela vana vendi, mukemwo lalo Shukulu Kalunga mwakatetela vaje vamukomoka.

Visimo 28:8

Uje awezelela vufuko vwendi na kakondweso, nakutambula vya munu mu ngila yalinyanyamena, co vufuko vwove vukaya kuli uje ali na ngozi na tuutu.

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Mateo 18:33

Co yove kuwasa kuzivilako mukweni mema ku mbunge ngwe munjinakuzivilile mema ku mbunge yange ndi?’

Luka 10:33

Oloni umo kaSamaliya wendele mu ngila ije wetele aje akele uje munalume, omo wamumwene, wamuzivilile mema ku mbunge.

Vilinga vya Miluwa 2:1

Omo litangwa lya Pentekosita lyetele, vaka-kukulaela voshe vakungulukile mu mwela umolika.

Vilinga vya Miluwa 27:3

Alikaki twetele ku Sindone. Co Njulyasi wakele na ngozi na Paulu, co wamutavele ngeci akamone vasamba vendi, ngeci vakamukwase vije vyajenekele.

Vilinga vya Miluwa 28:7

Kuyehi na mutambela uje kwakele mahya a Pambilyase, mwene walije lin̄anda. Watutambwile mwamuvwa, co twapwile tu vangenzi vendi matangwa atatu.

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.

Loma 12:10

Lizemeni umo na mukwavo ngwe vandolome na vandokazi, co litakameseni nakulisingimika umo na mukwavo.

Loma 15:5

Co Njambi, nsina ya lukakateya nakutakamesa, amyasese kukala mu viyongola vimo akati keni akukava nakutembunwina Kilistu Yesu,

1 Kolinte 1:10

Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

1 Kolinte 12:26

Nga cilyo cimo ca ku muvila cilinakuyanda, co vyoshe vilyo viyandela amo naco, nga cilyo cimo vacishangala, co vyoshe vilyo vivwaelela amo naco.

Efeso 4:2

Simbu yoshe pweni vaka-kulilumbilisa, vaka-kulikeesa na vaka-lukakateya. Shololeni cizemo ceni mukuliyandela umo na mukwavo.

Efeso 4:31

Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Efeso 4:32

Oloni pweni vaka-ngozi na vaka-mbunge ya lyovwa-ovwa kuli umo na mukwavo, co lisambeseni umo na mukwavo, ngwe mwanamisambesa Njambi muli Kilistu.

Filipu 2:3

Kesi mulinge cuma cimo na viyongola vya cipululu, nambe na mashungu akulishasha; oloni likeeseni ku mesho a umo na umo, simbu yoshe yongoleni vakweni ngwe vanapu vavavwa kumihyana yeni.

Filipu 3:16

Nameme ngoco, oloni tuyeni kulutwe ngwe ku mashiko aje tunakavangeya kweta ku lelo.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

VaHevelu 13:1

Kakateyeni mukulizema umo na mukwavo ngwe vasamba muli Kilistu.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

Yakomba 5:11

Tulinakuvatumbula vaka-kuvwaelela omwo vakevo vakele na lukakateya. Mwaziva laja akusimpa kwa Yombi, co mwazivuka vika Mwene waanene kuli Yombi akukotoka. Omwo Mwene muka-kutetela na mema ku mbunge.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 2:17

Singimikeni munu woshe, zemeni vasamba veni vaka-kukulaela, komokeni Njambi, co singimikeni vaka-kushwana.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

2 Petulu 1:7

co ku vuNjambi vweni wezeleleniko cizemo ca vuka-Yesu, na ku cizemo ceni ca vuka-Yesu wezeleleniko cizemo.

1 Yowano 3:14

Tunazivuka ngwetu tunatundu mu kutsa tunakovela mu mwonyo, tunazivuka cuma eci omwo tulinakuzema vakwetu. Vaje kuvesi kuzema anga vacili mwisi ya nzili ya kutsa.