1 Petulu 3:3 - Livulu lya Shukulu Kalunga

³ Kumwapandele kupangesa vyuma vya anja lika mukulivwaesa, nambe makwalale, nambe na tunzeya, nambe vuzalo vwa senga.

1 Petulu 3:3 Iomraidhean Croise

Kushangumuka 24:22

Omo Lembeka wamanesele kunwisa tumelo, co uje munalume wanonele kanzeya ka ngolinde ka ndando yakama wakaakele mu majulu a Lembeka, co wamwakele lalo makayi avali akama a ngolinde ku mavoko endi.

Kushangumuka 24:47

Co njamwihwile ngwange, ‘Isho iya?’ Ikeye wanjikumbulwile ngwendi, ‘Tate Mbetwele muna Nahole na Mileka.’ Co njamwakele kanzeya ka ngolinde ka ndando yakama mu majulu endi, na makayi avali akama a ngolinde ku mavoko endi.

Kushangumuka 24:53

Asinoni wanonele vyuma vyakuzala vya senga vya siliva, na ngolinde, na vuzalo, wavyanene kuli Lembeka. Co waanene lalo vwana vwa ndando yakama manene kuli ndolome yendi na kuli vaina.

2 Vimyene 9:30

Yehu wezile ku Njezelele. Co Njezevele akuziva vije vyalingiwile, wakwitile vyemba ku mesho endi, nakuvwaesa vin̄ambu vyendi, wemanene mu njanena ya lipela nakukengelela ku ngila.

Esita 5:1

A litangwa lyamucitatu lyakulikela kulya, Esita wazalele vuzalo vwendi vwa vushano, co waile nakwimana mu cipango ca mukati ka lipela, kushungama ku mulili wa litanda. Mwene wakele mukati, watumbamene a litanda lya vumwene, kukengesa ku cikolo.

Myaso 45:9

Akati ka vanakazi va kasingimiko vali mu lipela lyove vanapu vana va vamwene, co ku litanda lya cilyo kunemana vamwene, nazala vyakuzala vya senga vya ngolinde yaivwa manene.

Kutuuka 3:22

Oloni munakazi woshe wa kaIsalele akalomba vyuma vya senga na vya siliva na vya ngolinde, na vuzalo kuli mundambo wendi wa kaIngito na kuli uje yalinakukala nendi mu njuvo yendi. Co vakavizika vana vavo va vanalume na ava va vanakazi, co mu ngila eyi mukapukula vufuko vwa vaka-Ingito.”

Kutuuka 32:2

Co Alone wendekele kuli vakevo ngwendi, “Tundiseni vimbilingwa vya ngolinde ku matwi a vanakazi veni, na vana veni va vanalume, na ava va vanakazi vije vanazala, co vineneni kuli yange.”

Kutuuka 33:4

Omo vanu vazivile ngeci, co vashangumukile kulila, naumo wai wazalele vyuma vya senga lalo.

Kutuuka 35:22

Voshe vaje vatavele kulambula na mbunge yoshe, vanalume na vanakazi, vanenele vimande vyakuvalama, na vimbilingwa, na tunzeya, na sungu na vyuma vyoshe vya ngolinde, co vavikundikile kuli Shukulu Kalunga.

Kutuuka 38:8

Wafulile mbashiya ya vunengu na lisanda lyayo lya vunengu, lyapwile lya tulikengelo twa vanakazi vakele nakupanga ku cikolo ca Mbalaka Mwakuliwanena.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Ezekiyele 23:40

“Co lalo vatumine tunganda mukulanya vanalume vakutunda kulyala vaije kuli vakevo, omo vaje vanalume vezile, co vaje vandokazi vavali vajwelele nakusona ku mesho avo nakuzala vya senga.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

1 Petulu 3:2

omwo vakamona kasingimiko keni na futisi yeni.