1 Petulu 3:1 - Livulu lya Shukulu Kalunga

¹ Mu cifwa cimo vene, yeni vanakazi munapande kwononoka kuli vanalume veni, ngeci nga umo wavo kakulaela lijwi lya Njambi, vilinga vyeni vikavakokela kukukulaela,

1 Petulu 3:1 Iomraidhean Croise

Kushangumuka 3:16

Shukulu Kalunga Njambi wendekele kuli munakazi ngwendi, “Njikaamesa manene mushongo a simbu yove yakukita, mwa vushunga vene ukakita vana mu vukalu. Nameme ngoco, cizango cove cikakala kuli munalume wove, ikeye akakushika.”

Visimo 11:30

Yoya mu vushunga, co uwana mwonyo, oloni lwozi lutwala lika ku kutsa.

Visimo 18:19

Kukwasa ndolome yove kunapu ngwe nganda yakukola, oloni kulijokota kunapu ngwe tupateso twa ku njuvo.

Mateo 18:15

“Nga mukweni navulumuna mulonga kuli yove, ya ukamuleke mulonga wendi. Oloni cilinge mu vushweke, muvuvali vweni. Nga akutolilila, unovola mukweni.

Loma 10:16

Oloni kesi voshe vanatambula Vin̄anda Vyavivwa embwe. Isaya vavenya alinakwendeka ngwendi, “Shukulu Kalunga, iyajo wakulaelele muzimbu wetu?”

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

Loma 7:2

Munakazi wakushomboka nakutiwa na lishiko kuli munalume wendi omo munalume wendi acili nakuyoya, oloni nga munalume wendi atsa, asinoni uje munakazi napatuka ku lishiko lije lyamukutile kuli munalume wendi.

1 Kolinte 11:3

Oloni njishaka muzivuke ngeci Kilistu napu mutwe wa munalume woshe, munalume napu mutwe wa munakazi wendi, co Njambi napu mutwe wa Kilistu.

1 Kolinte 14:34

vanakazi vanapande kwoloka kuluu mu cikungulukilo. Kuvavatavesele kwendeka, ngwe mulyendeka Lishiko lya vaYunda, kuvapandele kushika.

1 Kolinte 7:16

Ove munakazi muka-Yesu wazivuka vati ngwove wasa kwovola munalume wove? Nambe wazivuka vati ove munalume muka-Yesu ngwove wasa kwovola munakazi wove?

Efeso 5:33

Oloni cinenika yeni lalo, munalume woshe napande kuzema munkazi wendi ngwe mwalizema ikeye vavenya, co munakazi woshe napande kusingimika munalume wendi.

Kolose 3:18

Vanakazi, ononokeni kuli vanalume veni, omwo eci cikeco munapande kulinga akupwa vaka-Yesu.

Kolose 4:5

Pweni vakunyanyama mu ngila ije mulinakulinga kuli vaje kanda vakulaele, kupangesa simbu yoshe ije mulinavyo.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

VaHevelu 11:8

Akukulaela, Avilahama wononokele Njambi omo wamusanene, co watundile mu lifuti lyendi waile ku lifuti lije lyamukulaesele Njambi. Wasezele lifuti lyendi oloni kazivukile kuje kwaile.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 3:2

omwo vakamona kasingimiko keni na futisi yeni.

1 Petulu 3:7

Mu cifwa cimo vene, yeni vanalume lalo mukukala amo na vanakazi veni munapande kuzivisisa mwamuvwa ngweni vakevo vapwa vakuvotsiya ku cisemwa cavo. Pangeni navo na kasingimiko, omwo na vakevo lalo vakatambula amo neni vwana vwa Njambi vwa mwonyo. Lingeni ngeci kutewa cuma cimo cikatanganesa malombelo eni.

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?