1 Petulu 2:12 - Livulu lya Shukulu Kalunga

¹² Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:12 Iomraidhean Croise

Myaso 37:14

Vaka-vuvi vashomona mikwale yavo, co vanana mata avo a lusipa, nakutsiya kautu na muka-kujeneka, nakutsiya vaje valinga vyavivwa,

Myaso 50:23

Munu woshe akombelela n̄ombelo ya cikandelela anjisingimika. Co uje ashungamesa ngila yendi, njikamumwesa kwamena kwange.”

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Ndanyele 6:4

Co vakwavo vaka-kutwamenena na vanguvulu vesekele kuwana cuma cimo cacivi mu ngila ije Ndanyele watwamenenene nayo vipangi mu vumwene, oloni kuvaciwanene, omwo Ndanyele wapwile munu wa kulongwa, co kalingile cuma cimo cacivi.

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 5:11

“Munavezika omo vamishaula nakumiyandesa nakumivangela vya makuli vyeka na vyeka omwo yange.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Mateo 9:8

Omo vanu vacimwene, vakele na lyova, co vashangazalele Njambi uje waanene vanu moko yakufwa ngacije.

Luka 1:68

“Tushangazaleni Shukulu Kalunga Njambi ya Isalele! Naija nakukwasa vanu vendi nakuvapatula.

Luka 19:44

Co vakevo vakakunyongesa njwa amo na vanu vove vaje vali mu vivumbe vyove, kuvakaseza limanya limo mu mutambela walyo, omwo yove kuwazivukile simbu omo Njambi wezile nakukwovola!”

Luka 6:22

“Mwavezika omwo vanu vamizinda nakumivyana nakumishaula nakumitumbula ngwavo muvavavi, omwo lizina lya Muna Munu!

Yowano 13:31

Omo Yundasa watuukile anja, Yesu wendekele ngwendi, “Ololo vumpau vwa Muna Munu vavusholola, co muli ikeye vumpau vwa Njambi vavusholola.

Vilinga vya Miluwa 15:14

Simoni ololo natulumbunwina vati Njambi akulivanga wezile nakusholola cizemo cendi kuli vaje kesi vaYunda mukwangulao vamo akati kavo ngeci vapwe vanu vendi.

Vilinga vya Miluwa 24:13

Nambe vase kukwana vukaleo vwa mulonga ou valinakunjana ololo.

Vilinga vya Miluwa 25:7

Omo Paulu wetele, vaYunda vaje vatundile ku Yelusalema vemanene nakumuzengeleka vashangumukile kumwana mulonga a vyuma vyavingi, vije kuvasele kuwana vukaleo.

Vilinga vya Miluwa 28:22

Oloni tushaka kuziva viyongola vyove, omwo tuzivuka ngwetu kwoshe-ikwoshe vanu valinakwendeka nakulwisa mbunga eyi muje muuli.”

Loma 12:17

Nga umo nakuviisila, kesi umwilwisile vuvi vwendi lalo embwe. Lingeni vyavivwa ku mesho a vanu voshe.

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

Loma 14:18

Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

Loma 15:9

co ngeci, nameme vaje kesi vaYunda vashangale Njambi omwo mema ku mbunge endi. Ngwe muvyendeka visoneka ngwavyo, “Ngecivene, njikakushangazala akati ka vaje kesi vaYunda, njikaimba nakukushangazala.”

1 Kolinte 14:25

viyongola vyavo vyakushweka vikasholoka akujela, co vakatsikama a mavuli nakulemesa Njambi nakulitavela ngwavo, “Mwa vushunga Njambi ali neni kuno!”

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 13:7

Tulinakulomba kuli Njambi ngeci kesi mukalinge vyuma vyavivi embwe, nambe kumwesa ngeci yetu vaka-kuhyana, oloni ngeci yeni mulinge vya vushunga, nambe tupwa ngwe vaka-kwonwa.

2 Kolinte 8:21

Cizango cetu cinapu akulinga vya vushunga, kesi lika ku mesho a Mwene embwe, oloni na ku mesho a vanu lalo.

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

1 Tesalonika 4:12

Mu ngila eyi vene, mukatambula kasingimiko kuli vaje kesi vaka-kukulaela, co kumukayoyela ali munu umo kuli vije munajeneka.

1 Timateo 2:2

na ali vimyene na ali voshe vaje valinakushika, ngeci tuyoye mwamuvwa mu kwoloka na kasingimiko koshe kuli Njambi amo na vilinga vyavivwa.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

VaHevelu 13:18

Kakateyeni nakutulombelela lalo. Mwa vushunga vene tuli na citaku-taku cacivwa, omwo tushaka kulinga cuma ca vushunga simbu yoshe.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

Yakomba 3:13

Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

1 Petulu 2:15

Omwo Njambi ashaka ngeci muvindike nzimba ya vanu vakweva a vyuma vyavivwa vije mulinakulinga.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

2 Petulu 3:11

Omwo vyuma vyoshe evi vikanyonga mu cifwa eci vene, co yeni munapande kukapwa vanu va muyati uka? Kuyoya kweni kunapande kupwa kwakujela nakulikundika kuli Njambi,

Lute 3:14

Ngecivene, Lute walalele kuje ku mendi a Mbowasi, oloni watuukile a mungulungengu, waile kutewa vamumona, omwo Mbowasi kashakele munu umo azivuke ngeci Lute nakele kuje.