1 Petulu 1:7 - Livulu lya Shukulu Kalunga

⁷ Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.

1 Petulu 1:7 Iomraidhean Croise

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Yombi 28:1

Kuli vitapo vivakendi siliva. Co kuli mitambela kuje kuvakajelesela ngolinde.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Visimo 16:16

Cinapu cuma cacivwa manene kukala nakuzivisisa na mana, kutuvakana kukala na ngolinde na siliva.

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Visimo 8:19

Vije uwana kuli yange vinapu vyavivwa kutuvakana ngolinde yaivwa, kutuvakana siliva yakujela.

Muka-kwambulula 5:14

co vuje vufuko vwazimbalele akuvupangesa mu ngila yaivi, co nacimo cai vakele naco cakusezela vana vavo.

Isaya 48:10

Njinamyeseka mu simbu ya tuyando twakama manene, ngwe muvakeseka siliva mu lutengo lwakama. Oloni njinawana ngeci kumwesi na seo.

Njelemiya 48:36

“Ngecivene, mbunge yange ilinakulinyenga a Mowavi na ali vanu va ku Kile Helese, ngwe munu alinakwimba mwaso wa vusiwa na mbendo, omwo vyuma vyoshe vakele navyo vinanyongo.

Njelemiya 9:7

Omwo vyuma evi, Shukulu Kalunga Muka-nzili yoshe alinakwendeka ngwendi, “Njikajelesa vanu vange ngwe vutale, co njikaveseka. Vanu vange vanalingi vuvi, vikajo lalo vinjilinga navo?

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Malakiya 3:3

Akaija nakusompa ngwe n̄ulungu muka-kufula vikuvo nakujelesa siliva. Akajelesa vaLevi ngwe muka-kufula vikuvo mwakajelesa siliva na ngolinde, ngeci vakanene vin̄ombelo vya vushunga kuli Shukulu Kalunga.

Kulava 5:28

Oloni nga ikeye kaliviisile napu wakujela, kakasa kuvulumuka oloni akasa kukita vana.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Mateo 25:23

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 17:30

Mukemwo lalo mucikafwa a litangwa lyakasholoka Muna Munu.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Vilinga vya Miluwa 8:20

Oloni Petulu wamukumbulwile ngwendi, “Nove vene na vimbongo vyove munyonge amo, omwo yove uyongola ngwove amo wasa kulanda vwana vwa Njambi na vimbongo!

Loma 2:10

Oloni Njambi akaana vumpau na kasingimiko na kwoloka kuli voshe vaje valinga mwamuvwa, akulivanga kuli vaYunda, co lalo na kuli vaje kesi vaYunda.

Loma 2:29

Oloni kaYunda wa vushunga ikeye munu uje kaYunda wa mukati, uje mbunge yendi inatuuka, co eci cinapu cipangi ca Munzinzime wa Njambi, kesi ca Lishiko lyakusoneka embwe. Munu wa cifwa cangacije Njambi amushangazala, kesi vanu embwe.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Loma 8:19

Omwo vyakutanga vyoshe vili na cizango cakukengelela Njambi ngeci asholole vana vendi.

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

1 Petulu 1:13

Ngecivene, livwaeseleni cimweja mu viyongola vyeni. Kengeleleni, co akeni cinyangavili ceni a vivezikiso vije vivakamyana omo Yesu Kilistu akasholoka.

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

1 Petulu 2:4

Ijeni kuli Mwene, limanya lyakuyoya lije vavyanene vanu ngwe lyangoco oloni Njambi walyangwile kupwa lya seo.

1 Petulu 2:7

Eli linapu limanya lya seo yakama manene kuli yeni vaje vanakulaela, oloni kuli vaje kuvakulaelele, “Limanya lije vavyanene vaka-kutunga likelyo ololo linapu lya seo kuli voshe.”

1 Petulu 4:12

Vasamba vange vanjazema, kesi mukomoke a ceseko ngwe ca tuhya cije mulinakuyanda naco, ngwe cikeco cinapu cuma cimo caciha cilinakulingiwa kuli yeni.

1 Petulu 4:13

Oloni joleleni omwo mulinakulipangela tuyando twa Kilistu, ngeci mushule nakujolela omo vumpau vwendi vukasholoka.

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.

2 Petulu 3:14

Ngecivene, vasamba vange, omo mulinakuvandamena Litangwa lije, esekeni na nzili yeni yoshe kupwa vakakujela na vaka-kujeneka mulonga ku mesho a Njambi nakukala mu kwoloka amo nendi.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.