1 Petulu 1:6 - Livulu lya Shukulu Kalunga

⁶ Pweni vaka-kuvwaelela a cuma eci, nambe cinapu mwamuvwa yeni kukala na vusiwa kasimbu kakandondo lika omwo muli na vyeseko vyavingi vije mulinakuyanda navyo.

1 Petulu 1:6 Iomraidhean Croise

Myaso 119:28

Mbunge yange inazeye na vusiwa, njitakamese ngwe muje wanjikulaesele.

Myaso 119:75

Njazivuka ngeci mashiko ove apwa a vushunga yove Shukulu Kalunga, yove wapwa wa kulongwa ngeci wanjihisile.

Myaso 34:19

Tuyando twa muka-vushunga twapwa twatungi, oloni Shukulu Kalunga amwamena mu vyoshe.

Myaso 35:10

Njikendeka kuli Shukulu Kalunga na mbunge yange yoshe ngwange, “Kukwesi umo wakulifwa nove! Yove ukanyungu vaka-kuzeya kuli vaka-nzili, ukanyungu kautu kuli muka-kumuyandesa!”

Myaso 69:20

Kapopolwezi kavo kanazeyesa mbunge yange, co nomu munjilingila vene mwai, njashakezekele munu wakunjitetela, oloni kunjamuwanene, na vaka-kunjizembeleka, oloni naumo wai injawanene.

Myaso 9:14

ngeci njikemane ku mesho a vanu va mu Yelusalema, nakuvaleka vyuma vyoshe vije vinjikushangazala navyo. Njivwaelela omwo yove unanjovola.

Myaso 95:1

Ijeni tushangazale Shukulu Kalunga! Twimbeni nakujolela kuli Njambi uje muka-kutunyunga!

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Mateo 11:28

“Ijeni kuli yange, yeni voshe munajuka nakwambata vyakulema, co njikamihwimisa.

Mateo 26:37

Co ikeye waile amo na Petulu na vaje vana va Zembendeo vavali, washangumukile kuzeya mu mbunge nakuvupuka manene.

Mateo 5:12

Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Luka 1:47

mwonyo wange uvwaelela omwo Njambi Muyoyesi wange,

Luka 10:20

Kesi mujolele omwo minzinzime yakujwala imyononoka embwe, oloni joleleni omwo mazina eni vanawasoneka mwilu.”

Luka 2:10

oloni kangelo wendekele kuli vakevo ngwendi, “Kesi muzive lyova! Omwo njinanena muzimbu wauvwa kuli yeni, uje ukasholola kujolela kwakama kuli vanu voshe.

Yowano 16:22

Ngecivene, omu mukemwo mucinapu neni, ololo muli na vusiwa, oloni njikamimona lalo, co vimbunge vyeni vikashula nakujolela, kujolela kuje naumo wai akacitundisa muli yeni.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

Loma 5:11

Oloni kesi evi lika embwe, tujolela omwo a vije vyanalingi Njambi ali Mwene yetu Yesu Kilistu, uje ololo natupwisa vasamba va Njambi.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

Loma 9:2

omo njendeka ngwange njili na vusiwa vwakama manene, nakuvinja kuje kukwesi kuhwa mu mbunge yange,

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

2 Kolinte 6:10

nambe tulinakuviilila, oloni simbu yoshe tulinakujolela, tulinakusholoka ngwe tu tuutu, oloni tunapwisa vanu vavangi vaka-kufuka, tulinakusholoka ngwe kutwesi nacimo cai, kuma tunafuku vyuma vyoshe.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Filipu 2:26

Ikeye ashaka manene kumimona yeni voshe, co ali na cishota-mbunge cakama manene omwo mwazivile ngeci ikeye wakele nakuvinja.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Filipu 4:4

Joleleni muli Mwene simbu yoshe, njicendekamo lalo ngwange, joleleni!

1 Tesalonika 1:6

Mwatembunwinine yetu na Mwene, co nambe mwamwene tuyando twakama, oloni mwatambwile lijwi nakujolela kuje kukatundu kuli Munzinzime Wakujela.

Yakomba 1:2

Vasamba vange, liyongoleni yeni vavenya ngweni mwavezika omo vyeseko vyavingi vilinakwija kuli yeni,

Yakomba 1:9

Vaka-Yesu vaje vanapu tuutu vanapande kuvwaelela omo Njambi avajundula,

Yakomba 4:9

Pweni vaka-kuviilila, tambekeni, lileni, tengulukeni kujolela kweni kupwe kulila, kujolela kweni kupwe kulisimoka!

1 Petulu 3:17

Omwo cinapu cacivwa kuyandela vushunga, nga eci cinapu cizango ca Njambi, kutuvakana kuyandela vuvi.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Samwele 2:1

Hana walombelele ngwendi, “Mbunge yange ijolela muli Shukulu Kalunga, njavwaelela omwo a evi vyanalingi Shukulu Kalunga! Njilinakujola vitozi vange, njijolela manene omwo Njambi nanjikwasa!