1 Petulu 1:4 - Livulu lya Shukulu Kalunga

⁴ co yetu tulinakukengelela kulutwe tukafuke vufuko vwa vivezikiso vije Njambi natulikila vanu vendi. Namitulikilavyo mwilu, kuje kuvyasa kusosonyoka nambe kuviya nambe kupiluka.

1 Petulu 1:4 Iomraidhean Croise

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Myaso 47:4

Ikeye watwangwilile lifuti muje mutuli nakukala, vushwana vwakulyalesela vanu vendi vaje vazema.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Ezekiyele 47:12

Ku ngenge na ngenge ya ndonga, ku mutambela na mutambela wa ndonga kukamena miti ya miyati-yati ije ikaima vushuka. Maputa ayo kuwakajujwama, co lalo kuyikalikele kwima vushuka. Ikaima vushuka vwavuha a ngonde na ngonde, omwo ilinakutambula mema ku ndonga ije itunda ku Njuvo ya Shukulu Kalunga. Miti yakwo ikaima vushuka vuje vukapwa vyakulya, co maputa ayo vakawapangesa mukukangwisa vanu.”

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mako 10:17

Co omo Yesu washangumukile lalo vungenzi vwendi, co munalume umo wamushatukilile, watsikamene a mavuli ku mesho endi, co wamwihwile ngwendi, “Mulongisi wamuvwa, vika njinapande kulinga ngeci njitambule mwonyo wa myaka yoshe?”

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

1 Kolinte 9:25

Munu woshe mu vyakweha alilongesa kulyononwesa, alinga ngacije ngeci atambule cilongo cije casa kuvola, oloni yetu tulinakulinga eci ngeci tukatambule cilongo cije cikakala simbu yoshe.

Ngalatiya 3:18

Omwo nga vwana vwa Njambi vujendamena a Mashiko, co kuvukakala lalo a cikulaeso cendi embwe. Nameme ngoco, omwo a cikulaeso cendi ngeci Njambi wanene vuje vwana kuli Avilahama.

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Efeso 1:14

Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Kolose 1:12

Co nakujolela kandeleleni kuli Tate uje namilingisa ngeci mupwemo mu kukala na mutambela kuli vije Njambi natulikila vanu vendi mu vumwene vwa ceke.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

Kolose 3:24

Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

VaHevelu 10:34

Yeni mwalipangelele n̄avava ya vunzinda, co omo vevile vyeni vyoshe, co yeni mwakakateyeye nakujolela ku vyeni vije vyazimbalele, omwo mwazivukile ngeci muli na vyuma vyavivwa kutuvakana vije, vyuma vije vikakalako simbu yoshe.

VaHevelu 9:15

Omwo cuma eci Kilistu ikeye navwaesa cikumiiyo caliha, ngeci vaje vanasana Njambi vakatambule vivezikiso vya myaka yoshe vije vyanavakulaesa Njambi. Eci casa kulingiwa omwo a kutsa kuje vemikile kwakupatula vanu vatunde ku kupenga-penga kuje valingile omo vakele mu cikumiiyo cakulivanga.

Yakomba 1:11

Omo litangwa lituuka na misha yalyo ya ntwima nakujujwamesa mwila, co vishani vyakwo vitotomoka na vuvwa vwavyo vunyonga. Ngecivene, mu cifwa cimo vene muka-kufuka akanyonga omwo acitwalelelao mu vilinga vyendi.

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.