1 Petulu 1:3 - Livulu lya Shukulu Kalunga

³ Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

1 Petulu 1:3 Iomraidhean Croise

1 Vimyene 8:15

Co wendekele ngwendi, “Shangazaleni Shukulu Kalunga Njambi ya Isalele! Ikeye nanyungu cikulaeso cije calingile kuli tate Ndaviti, omo wendekele ngwendi,

1 Mizimbu 29:20

Asinoni Ndaviti washikile vanu ngwendi, “Shangazaleni oni Shukulu Kalunga Njambi yeni!” Co mbunga yoshe yashangazalele Shukulu Kalunga Njambi ya vakukulwila vavo, co vatsikamene nakulemesa, mukwana kasingimiko kuli Shukulu Kalunga na kuli mwene lalo.

2 Mizimbu 31:8

Omo Mwene Hezekiya na vamyata vendi vamwene vungi vwa vyuma vije vivaanene, co vashangazalele Shukulu Kalunga nakushangazala vanu vendi va Isalele.

Myaso 41:13

Wakushangazala Shukulu Kalunga Njambi ya Isalele, mushangazaleni lelo na ku myaka yoshe! Ewa! Ewa!

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Kutuuka 34:6

Asinoni Shukulu Kalunga wetile kulutwe lwendi, co walitumbwile lizina lyendi ngwendi, “Yange Kalunga, njapwa Njambi uje washula na kutetela na mema ku mbunge, uje kesi kuluvala vwasi, muka-kulongwa na muka-kumwesa cizemo cije kucesi kutenguluka.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Yowano 1:13

Vakevo kuvapwile vana va Njambi ku cisemwa ca ano asi embwe, cisemwa cakusemuka ku munalume, oloni Njambi vavenya ikeye wapwile ishavo.

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

Loma 4:25

Vamwecelele ngeci atse omwo vivi vyetu, co vamusangwile ngeci vatupwise vaka-vushunga ku mesho a Njambi.

Loma 5:10

Omwo twapwile tu vitozi va Njambi, oloni natupwisa vasamba vendi a kutsa kwa Munendi. Ololo omo tunapu vasamba va Njambi, tukovoka a mwonyo wa Kilistu!

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

Loma 8:24

Omwo tunovoka a cinyangavili, oloni cinyangavili cakumona, cikeco kesi cinyangavili. Omwo iyajo ali na cinyangavili ca vije vyanamono?

1 Kolinte 13:13

Ngecivene, ololo, vyuma evi vitatu vinasala, kukulaela, cinyangavili na cizemo, co cinatuvakana ku vyuma vyoshe evi cinapu cizemo.

1 Kolinte 15:20

Oloni vushunga vwa vyuma evi vunapu ovu, Kilistu vamusangwile ku vatsi, ngwe vemikile ngeci ngwavo vaje vanalala tulo twa kutsa vakavasangula lalo.

2 Kolinte 1:3

Tukandeleleni kuli Njambi Ishe ya Mwene yetu Yesu Kilistu, Tate wa mema ku mbunge, Njambi kuje kukatundu vukwasi vwoshe!

Ngalatiya 6:16

Ngwe ali ava valinakukava lishiko eli mukuyoya kwavo, kwoloka na mema ku mbunge vikale navo, vikale navo na voshe vanu va Njambi!

Efeso 1:17

nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Efeso 2:4

Oloni Njambi wapwa muka-mema ku mbunge, co na cizemo cendi kuli yetu capwa cakama manene

Efeso 3:20

Kuli ikeye a nzili ije ilinakupanga muli yetu asa kupanga manene kutuvakana vije twasa kumulomba, nambe kutuvakana vije vitwasa kuyongola,

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 4:13

Vakwetu, tushaka muzivuke vushunga ali vaje vanatsi, ngeci kesi mukale na vusiwa, ngwe vaje kuvesi na cinyangavili.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

1 Petulu 1:13

Ngecivene, livwaeseleni cimweja mu viyongola vyeni. Kengeleleni, co akeni cinyangavili ceni a vivezikiso vije vivakamyana omo Yesu Kilistu akasholoka.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Petulu 1:23

Omwo a lijwi lya Njambi lyakuyoya lije lya myaka yoshe munasemuka luvali ngwe vana va cisemi uje muka-kuyoya simbu yoshe, kesi uje asa kutsa.

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,

1 Petulu 3:5

Omwo vanakazi va ku laja vaje vaakele cinyangavili cavo muli Njambi valyongozwelele vakevo vavenya akwononoka kuli vanalume vavo.

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Yowano 3:9

Naumo wai wa vana va Njambi vavandondo atwalelelao kulinga vuvi, omwo cisemwa ca Njambi cili muli vakevo, co omwo Njambi napu Ishavo, kuvasa kutwalelelao kulinga vuvi.

1 Yowano 4:7

Vasamba vange vanjazema, tulizemeni umo na mukwavo, omwo cizemo catunda kuli Njambi. Woshe uje wakala na cizemo wapwa muna Njambi, co azivuka Njambi.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

1 Yowano 5:18

Twazivuka ngwetu kukwesi vana va Njambi eshwala kulinga vuvi, omwo Muna Njambi alinakuvanyunga mwamuvwa, co Uje Liyavola kasa kuvavulumuna.

1 Yowano 5:4

omwo muna Njambi woshe asa kuhyana vya a kaye. Co ngila ituhyana nayo nakutuvakana vya a kaye ikeyo kukulaela kwetu.