1 Petulu 1:12 - Livulu lya Shukulu Kalunga

¹² Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

1 Petulu 1:12 Iomraidhean Croise

Kutuuka 25:20

Co vaje vakelumbi va mambava valikenge vihanga vyavo aje a cifwiko ca mema ku mbunge, na mambava avo akujanjumuka afwike cifwiko.

Visimo 1:23

Tolilileni omo njimyendekela, njimyana kunangula kwakuvwa.

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Ndanyele 10:1

(Mu mwaka wamucitatu omo Siluse wapwile mwene wa Pelesha, co lijwi lyezile kuli Ndanyele uje ivatumbwile Mbeletesezale. Lijwi lije lyapwile lya vushunga oloni lyapwile lyalikalu kulizivisisa. Ngecivene, valilumbunwine kuli ikeye mu cimona.)

Ndanyele 12:13

Co yove Ndanyele, kulaela na kumamaneselelo. Asinoni ukatsa, oloni ukasanguka ngeci ukatambule cikandelela cove a simbu yakukotoka kwa kaye.”

Ndanyele 12:9

Co wanjikumbulwile ngwendi, “Ndanyele, ololo wasa kuya, omwo majwi awa unapande kuwanyunga nakuwashweka mu mbunge yove noo akukotoka.

Ndanyele 2:19

Co ku vutsiki vuje vene, lije lihungu lya njozi ya mwene lyajombolokele kuli Ndanyele mu cimona, co ikeye walemesele Njambi wa mwilu ngwendi,

Ndanyele 2:22

Akasholola vyuma vyakulova nevi vyakushwekesa, azivuka vije vyakuvanda mu lisusulungu, ceke camuzengeleka.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 8:13

Asinoni njazivile kangelo umo ehula kangelo mukwavo ngwendi, “Vyuma evi vivanamono mu cimona vikahwa simbu ika? Simbu mukajo vukahwa vuvi ovu vwakukomokesa vulinakuvindika vin̄ombelo vya a litangwa na litangwa? Simbu mukajo vakalyatangela mbunga ya nzita ya mwilu na Njuvo ya Shukulu Kalunga?”

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Njwele 2:28

“Munima yevi njiketila munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co tukulukazi veni vakalota vinjozi, vakwenje veni vakamona vimona.

Amose 3:7

Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 2:26

wamulekele ngwendi kakatsi kuvanga namono Wakuvwavesa uje yakulaesele Shukulu Kalunga.

Luka 9:6

Co vandongisi vaile vendanganene mu membo oshe nakwambulula Vin̄anda Vyavivwa nakukangwisa vanu kwoshe-ikwoshe.

Yowano 15:26

“Oloni omo Mukwasi akaija, ikeye Munzinzime, uje akasholola vushunga vwa ali Njambi, akaija kutunda kuli Tate. Njikamutuma kuli yeni kutunda kuli Tate, co akendeka vukaleo vwange.

Vilinga vya Miluwa 10:44

Omo Petulu acili nakwendeka, Munzinzime Wakujela washulukile ali voshe vaje vakele nakutolilila muzimbu wendi.

Vilinga vya Miluwa 16:10

Co omo Paulu wamwene eci cimona, aje vene twakatukile nakuya ku Masendoniya, omwo twayongwele ngeci Njambi natusana mukwambulula Vin̄anda Vyavivwa kuli vanu kuje.

Vilinga vya Miluwa 2:33

Ikeye namusangwila ku livoko lya cilyo lya Njambi, Ishe, co natambula Munzinzime Wakujela kuli ikeye, ngwe muje mwakulaesele. Vije mulinakumona ololo nakuziva vinapu vwana vwendi vuje netila ali yetu.

Vilinga vya Miluwa 4:31

Co omo vamanesele kulombela, mwela uje vakungulukilile wajajele. Co voshe vashulile na Munzinzime Wakujela, co vambulwile lijwi lya Njambi nakusimpa.

Vilinga vya Miluwa 4:8

Asinoni Petulu akushula na Munzinzime Wakujela, wavakumbulwile ngwendi, “Yeni vantwama va vanu na vakulunu,

Vilinga vya Miluwa 8:25

Omo vamanesele kwana vukaleo vwavo nakwambulula muzimbu wa Mwene, Petulu na Yowano velukile ku Yelusalema. Mu ngila yavo vambulwile Vin̄anda Vyavivwa mu membo amangi a mu Samaliya.

Loma 1:15

Ngecivene, njishaka manene kwambulula Vin̄anda Vyavivwa kuli yeni lalo muli mu Loma.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Loma 10:15

Co vatijo vambulula lijwi nga tunganda kuvavatumine? Ngwe muvyendeka visoneka ngwavyo, “Kunapu kuvwaelela kwakukomokesa omo tunganda vaija nakunena vin̄anda vyavivwa!”

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

1 Kolinte 2:10

Oloni Njambi natusholwela vyakushwekesa ali Munzinzime wendi. Munzinzime akashakezeka vyuma vyoshe, nameme vizango vya Njambi vyakulova.

2 Kolinte 1:22

uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.

2 Kolinte 6:6

Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

Ngalatiya 1:12

Kunjautambwile kuli munu umo, nambe munu naumo wai wanjilongeselewo. Oloni vavenya Yesu Kilistu ikeye wanjishololwelewo.

Ngalatiya 1:16

kusholola Munendi kuli yange, ngeci njambulule Vin̄anda Vyavivwa kuli vaje kesi vaYunda, kunjaile kuli munu umo mukunjinangula embwe,

Efeso 3:10

ngeci mu simbu ino iliko, ya cikungulukilo, tungelo vaka-kuswana na vaka-nzili mu lifuti lya mwilu ngeci valilongese muwafwa mana a Njambi na muje mwalitepesela.

1 Tesalonika 2:9

Mwa vushunga vene anukeni, vakwetu, vati twapangele nakuundangana! Twapangele vutsiki na mutanya ngeci kesi tupwe citele kuli yeni omo twambulwile Vin̄anda Vyavivwa vyakutunda kuli Njambi.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

VaHevelu 4:2

Omwo tunazivi Vin̄anda Vyavivwa, ngwe muvavizivilile vakevo. Vazivile lijwi oloni kulyavakwasele, omo valizivile, co kuvalitambwile nakukulaela.

1 Petulu 1:25

Oloni lijwi lya Mwene lyakala myaka yoshe.” Lijwi eli likelyo Vin̄anda Vyavivwa vije vivambulwile kuli yeni.

1 Petulu 4:6

Eci cikeco cuma vambulwilile Vin̄anda Vyavivwa kuli vatsi, kuli vaje vavasompele mukuyoya kwavo kwa muvila ngwe muje muvakasompo vanu voshe, vavambulwililevyo ngeci mukuyoya kwavo kwa minzinzime vayoye ngwe muje mwashaka Njambi.

Kujombolola 5:11

Njakengele lalo, co njazivile tungelo vavangi-vangi mameme! Vemanene nakuzengeleka litanda, na vaje vikashama vawana akuyoya, na vakulunu,