1 Petulu 1:1 - Livulu lya Shukulu Kalunga

¹ Mukanda wakutunda kuli yange Petulu, muluwa wa Yesu Kilistu. Kuli vanu va Njambi vakwangula vaje valinakuyoya ngwe vangenzi mu mafuti oshe a Pontase na Ngalatiya na Kapandosiya na Asiya na ku Mbitaniya.

1 Petulu 1:1 Iomraidhean Croise

Esita 3:8

Ngecivene, Hamane walekele mwene ngwendi, “Kuli vanu vamo vanashandokela mu vumwene vwove vwoshe, co vali mu mafuti ove oshe. Co mashiko avo analyangunuka na mashiko a vanu voshe, co lalo kuvesi nakunyunga lishiko lyove mwene embwe, ngecivene, shukulu kumwapandele kuvatava ngoco embwe.

Myaso 44:11

Yove watavele ngeci vatutsiye ngwe vimanga, co watushandwelele ku mafuti eka.

Ezekiyele 6:8

“Oloni njikecela vamo vakayoye, co njikavashandwela akati ka miyati,

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Mateo 10:2

Awa akewo mazina a vaje miluwa likumi na vavali. Wakulivanga, Simoni (uje vatumbula Petulu) na ndolome yendi Anduleo, Yakomba na ndolome yendi Yowano vana va Zembendeo.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Mateo 4:18

Omo Yesu wakele nakushwangesa Lishali lya Ngalileya, wamwene vandolome vavali vaka-kujevela visi, Simoni (uje vatumbula Petulu) na ndolome yendi Anduleo, vakele nakutsiya visi mu lishali a linimbwa.

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Yowano 11:52

co kesi vakevo lika embwe, oloni akungulwile amo vanu va Njambi mu muvila umo vaje vanashandokela kweka.

Yowano 7:35

Vakulunu va vaYunda valyendekesele akati kavo ngwavo, “Kulijo ashaka kuya ngeci tujeneke kumuwana? Akaya ku vinganda vya vaNgiliki kuje kuvanashandokela vanu vetu nakukalongesa vaNgiliki ndi?

Vilinga vya Miluwa 18:2

Co kuje waliwanene na kaYunda umo lizina lyendi Akwila, wasemukilile ku Pontase, watundile ku Itali na munakazi wendi Pilisila, omwo Nguvulu Kalaundyase washikile ngeci vaYunda voshe vatunde mu Loma. Co Paulu waile nakuvamona,

Vilinga vya Miluwa 18:23

Munima yakukala navo simbu, watundileko waile mu mutambela wa Ngalatiya na mu Filingiya nakutakamesa vaka-kukulaela voshe.

Vilinga vya Miluwa 19:10

Eci calingiwile a myaka ivali, ngecivene, vanu voshe vaje vakele mu lifuti lya Asiya, voshe vaYunda na vaje kesi vaYunda vazivile lijwi lya Mwene.

Vilinga vya Miluwa 6:9

Oloni vamulwisile vanalume vamo vapwile vaka-Sinangonge ya Vanalume Vakupatuka, (ngwe muje muvaitumbwile), muje mwakele vaYunda vakutunda ku Silene na ku Alekizandiliya. Vakevo na vaYunda vamo vatundile ku mitambela ya Silisiya na ku Asiya valingile vimata na Setefano.

Vilinga vya Miluwa 8:4

Vaka-kukulaela vaje vashandokele vaile kwoshe-ikwoshe nakwambulula lijwi.

1 Kolinte 16:19

Vikungulukilo vya mu lifuti lya Asiya vanatumu viindu vyavo kuli yeni. Akwila na Pilisila na cikungulukilo vaje vakakungulukila mu njuvo yavo vanatumu viindu vya vuYesu vyakushaluka kuli yeni.

2 Kolinte 1:8

Omwo tushaka kumyanukisa, vakwetu, a tuyando twakele natwo mu lifuti lya Asiya. Vitele vije vivatutwikile vyapwile vyakama vyakulema, ngeci kutwakele na cinyangavili cakuyoya lalo.

Ngalatiya 1:2

Vakwetu voshe njilinavo kuno tulinakutuma viindu ku vikungulukilo vya mu Ngalatiya ngwetu,

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Efeso 2:19

Ngecivene, yeni kesi vaYunda kumwapwile lalo mu vangenzi nambe vaka-kwija embwe, yeni ololo munapu mu vandambo amo na vanu va Njambi, yeni ololo munapu naanga ya Njambi.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

Kwituluka mu Mashiko 32:26

Njayongwele kuvanyongesa voshe njwa, ngeci kesi kukakale umo lalo akavanuke.

Kwituluka mu Mashiko 4:27

Ngecivene, Shukulu Kalunga akamishandwela akati ka mafuti eka, co vavandondo lika va ali yeni vakasalao akati ka mafuti aje akamishandwela Shukulu Kalunga.

2 Timateo 1:15

Unazivuka ngwove vanu voshe mu lifuti lya Asiya vananjikengesa nima, Fingelyase na Helemengenese navo lalo vananjiseza.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”