1 Mizimbu 9:31 - Livulu lya Shukulu Kalunga

³¹ Co kaLevi umo lizina lyendi Matitiya, muna Shalume wa ntwatwa wa ku cikota ca Kola, ikeye wakele na moko yakwoca mashama-shama akulipasha,

1 Mizimbu 9:31 Iomraidhean Croise

Kushangumuka 19:3

Oloni wavasindiiye manene nakuvalomba ngeci vatumbame, co akukotoka vamutavele, ngeci vaile nendi ku njuvo yendi. Co Lote washikile vangamba vendi kutika makende amo, nakuvwaesela vangenzi vyakulya vyavivwa, co valile.

1 Mizimbu 23:29

nakukala na moko ya a makende akukombelela kuli Njambi, na vunga vwakuseneta vwa n̄ombelo ya vyakulya, na makende akujeneka musima, na vin̄ombelo vyakwoca, na vunga vwa tiliku vwakukumbasana na mazi a olive, kupeselesa nakwesekesa vin̄ombelo vya mu Njuvo ya Shukulu Kalunga,

1 Mizimbu 9:17

Vaka-kunyunga Njuvo ya Shukulu Kalunga vaje vakele mu Yelusalema mazina avo, Shalume, na Akumbe, Talemone, na Ahimane. Shalume ikeye wapwile ntwama yavo.

1 Mizimbu 9:19

Shalume muna Kola mutekulu wa Eviyasafe, amolika na vavushoko vwendi va ku cikota ca Kola, vakevo vakele na moko yakunyunga ku vukovelelo vwa ku Mbalaka Mwakuliwanena, ngwe muvalingile vakukulwila vavo, omo vakele nakushika mu cilombo ca Shukulu Kalunga.

1 Mizimbu 9:22

Vanu voshe vaje vavaangwile kunyunga ku vikolo vapwile 212. Co vavasonekele ngwe mu membo muje muvatungile. Mwene Ndaviti na Samwele muka-kwimanena vakevo vaakele vakukulwila vavo mu myela ije.

1 Mizimbu 9:26

Co vakulunu vaje vawana vapwile vaLevi, vakevo lalo vanyungile milili ya mu Njuvo ya Shukulu Kalunga, na vivala vije vyakelemo.

VaLevi 2:5

“Nga ou mulambu wa vimbuto vya vinona unapu wa makende akwocela a cikango, anapande kupwa akulinga na vunga vwavuvwa vwakuseneta vwakutsingasana na mazi a olive, oloni akujeneka musima.

VaLevi 2:7

“Nga ou mulambu wa vimbuto vya vinona unapu wa mashama-shama akuteleka mu ndeo, vanapande kuwalinga na vunga vwakuseneta na mazi a olive.

VaLevi 6:14

“Awa mashiko anapu a milambu ya vimbuto vya vinona. Muka-kukombelela wa ku naanga ya Alone akanene mulambu wa vimbuto vya vinona kuli Shukulu Kalunga kulutwe lwa mutula.

VaLevi 6:21

Vunga vanapande kuvushinga na mazi, nakuvwoca a cikango, asinoni vavupazule nakuvukombelela kupwa mulambu wa vimbuto vya vinona, co vweko vwa mulambu ou vukavwaelelesa Shukulu Kalunga.