1 Mizimbu 9:19 - Livulu lya Shukulu Kalunga

¹⁹ Shalume muna Kola mutekulu wa Eviyasafe, amolika na vavushoko vwendi va ku cikota ca Kola, vakevo vakele na moko yakunyunga ku vukovelelo vwa ku Mbalaka Mwakuliwanena, ngwe muvalingile vakukulwila vavo, omo vakele nakushika mu cilombo ca Shukulu Kalunga.

1 Mizimbu 9:19 Iomraidhean Croise

2 Vimyene 11:15

Yehoyanda kashakele ngeci Ataliya vamutsiile ku mwela wa Njuvo ya Shukulu Kalunga embwe, ngecivene, washikile vamyata va mashwalale ngwendi, “Mutwaleni anja oku mumwitisa mukati ka mikana ya vaka-kunyunga, co woshe amwamena mutsiyeni.”

2 Vimyene 11:9

Co vaje vamyata vononokele mashiko a Yehoyanda, vanenele vanu vavo kuli ikeye, vaje vaile nakuhwima a Litangwa Lyakuhwima na vaje vaile ku vipangi a litangwa lije vene.

2 Vimyene 12:10

Omo vamwene ngeci mu cikasa mwakele vimbongo vyavingi, co muka-kusoneka wa mwene na Muka-kukombelela Wakama vezile co valavele vije vimbongo nakuvyaka mu vinjeke.

1 Mizimbu 9:18

Vaje vakele ku cikolo kwakukovelela mwene kukengesa mu ngangela, vakevo vakele nakunyunga ku vikolo vya mu vilombo vya vaLevi.

1 Mizimbu 9:20

Co Finehase muna Elyazale, wapwile ntwama yavo a simbu ije, omo Shukulu Kalunga wakele amo nendi.

Myaso 42:1

Ngwe nava ashungwiya manene vana va vindonga vya mema akutonola, nange lalo njishungwiya yove, Njambi yange.

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 49:1

Ziveni evi yeni vanu voshe! Yeni vanu voshe va mu kaye,

Myaso 84:10

Litangwa limo lyakukala mu Njuvo yove, lyalivwa kutuvakana matangwa 1,000 akukala kweka, mwamuvwa kuli yange kupwa muka-kunyunga ku cikolo ca njuvo ya Njambi yange, kutuvakana kukala mu membo a vaka-vuvi.

Njelemiya 35:4

co njavanenele ku Njuvo ya Shukulu Kalunga. Njavatwalele ku mulili wa Hanane muka-kwimanena muna Ingendaliya. Mulili ou wakele kuyehi na milili ya vamyata vakwavo, co mulili wa Hanane muka-kwimanena wakele akamwa ya mulili wa Maseya muna Shalume, uje wapwile mwata wakama mu Njuvo ya Shukulu Kalunga.

Njelemiya 52:24

Co Nevuzalandane, muka-kushika mashwalale, wakwatele Selaya Muka-kukombelela Wakama, na Zefaniya muka-kukombelela wakwata kuli Muka-kukombelela Wakama na vamyata vatatu va vulemu va mu Njuvo ya Shukulu Kalunga.