1 Mizimbu 6:49 - Livulu lya Shukulu Kalunga

⁴⁹ Co Alone na vatekulwila vendi vakevo vakele nakwana vin̄ombelo vya insense, nakukombelela vin̄ombelo vije vya kwenyeka a mutula. Vakele na moko yakupanga vipangi vyakulemesa mu Mwela Wakujela Manene, na vin̄ombelo vije Njambi wakele nakwaambesa navyo vuvi vwa Isalele. Co valingile vyoshe vije ngwe ku vilongesa vije vyashikile Mosesa, ngamba ya Njambi.

1 Mizimbu 6:49 Iomraidhean Croise

1 Mizimbu 6:48

Co vavushoko vwavo vaLevi, vavaanene vipangi vyoshe vya mu mwela wakulemesela.

Yombi 33:24

Co mukutetela kangelo akendeka ku lifuti lya vatsi ngwendi, ‘Mwecele! Kesi ashelumuke kuli yove embwe. Njinawana ndando mukumukula.’

Kutuuka 29:33

Co vakevo vakalya vije vivapangesele mukuvaambesa mukuvemika omo vavakundikile. Vaka-kukombelela lika vakevo vakalya vyakulya evi, omwo vikevyo vyapwa vyakujela.

VaLevi 1:5

Akatsiile uje cimuna kuje vene, co vaka-kukombelela va ka naanga ya Alone vakana maninga kuli Shukulu Kalunga, asinoni vakawashamwina ku mitambela yoshe iwana ya mutula uje uli ku cikolo ca Mbalaka.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

Kulava 15:25

Co muka-kukombelela akaambesa mbunga ya vanu va Isalele nakuvasambesa omwo mulonga unapwile wa ku nzimba, co vakevo vanatwala n̄ombelo yavo ya a vuvi ngwe n̄ombelo ya vyakulya kuli Shukulu Kalunga omwo nzimba yavo.

Kulava 16:16

Mosesa wendekele kuli Kola ngwendi, “Imene yove na mbunga ya vanu vove 250 munapande kwija ku Mbalaka Mwakuliwanena, na Alone lalo nendi akakaleko.

Kwituluka mu Mashiko 34:5

Ngecivene, Mosesa, ngamba ya Shukulu Kalunga, watsililile kuje ku lifuti lya Mowavi, ngwe vene muje mwendekele Shukulu Kalunga.

Yoshwa 1:1

Omo Mosesa ngamba ya Shukulu Kalunga natsi laja, Shukulu Kalunga wendekele kuli Yoshwa muna Nune mukwasi wa Mosesa ngwendi,