1 Mizimbu 6:32 - Livulu lya Shukulu Kalunga

³² Vakele nakulyakula ku vipangi vya mu Mbalaka Mwakuliwanena noo Mwene Solomoni watungile Njuvo ya Shukulu Kalunga.

1 Mizimbu 6:32 Iomraidhean Croise

1 Mizimbu 6:10

Azaliya (ikeye uje wakele nakupanga mu Njuvo ya Shukulu Kalunga ije yatungile Mwene Solomoni mu Yelusalema),

1 Mizimbu 6:31

Ava vakevo vanu vaje vaakele Mwene Ndaviti kwendesa vipangi vyakwimba myaso ku mwela wakulemesela mu Yelusalema, omo Cikasa ca Cikumiiyo cakele kuje.

1 Mizimbu 6:33

Mukana wa naanga ya vanalume vaje vapangele amo na vana vavo ukewo ou. Cikota ca Kohate, Hemane, ikeye wapwile ntwama wa munga yakulivanga ya vaka-kwimba myaso, ikeye wapwile muna Njwele. Co mukana wa naanga yendi washangumukilile kuli Yakomba vakevo ava, Hemane muna Njwele, muna Samwele,

1 Mizimbu 9:33

Co naanga ya vaLevi vamo vakele na moko yakwendesa myaso ya mu Njuvo ya Shukulu Kalunga. Vakulunu va naanga ije vakele mu vinjuvo vimo vya ku Njuvo ya Shukulu Kalunga, co vakele ngoco kuvapangele vipangi vikwavo embwe, omwo vakevo vakele nakupanga mutanya na vutsiki.

2 Mizimbu 31:2

Co Mwene Hezekiya wakolesele lalo vipangi vya vaka-kukombelela na vaLevi, ngwe ku vipangi vya munu na munu. Evi vyapwile kukombelela vin̄ombelo vya kwenyeka na milambu ya kulitombola, na milambu ya cikandelela nakupanga mu Njuvo ya Shukulu Kalunga.

2 Mizimbu 35:15

Co vaLevi vaka-kwimba va ku cikota ca Asafe vakele mu myela yavo ngwe muvavaaneneyo ngwe ku mashiko a Mwene Ndaviti mazina avo, Asafe na Hemane na Njendutune, muka-kwimanena wa mwene. Co vaka-kunyunga ku vikolo vya Njuvo ya Shukulu Kalunga kuvatundile mu myela yavo, omwo vaLevi veka vavavwaeselele Ciwano ca Pasovala.

Ezela 6:18

Co lalo vaakele vaka-kukombelela na vaLevi ku vipangi vya Njuvo ya Shukulu Kalunga mu Yelusalema, ngwe ku vilongesa vije vasoneka mu livulu lya Mosesa.

Ezekiyele 40:44

Asinoni wanjinenele mukati ka cipango ca mbanja. Co kuje kwakele milili ivali yakukengesela mukati ka cipango ca mbanja, umo wakengesele ku mutambela wa mu mbwela ku cikolo ca ku kunto, co ukwavo wakengesele ku mutambela wa ku kunto ku cikolo ca mu mbwela.