1 Mizimbu 5:2 - Livulu lya Shukulu Kalunga

² Wapwile muyati wa Yunda wa nzili kuje kwatundile muka-kushwana miyati yoshe.)

1 Mizimbu 5:2 Iomraidhean Croise

Kushangumuka 25:31

Yakomba wamukumbulwile ngwendi, “Njikakwanavyo nga unjana moko ya vu ntwatwa vwove.”

Kushangumuka 35:23

Vana va Leya va vanalume mazina avo, Luvena ikeye wapwile ntwatwa, co Simyoni, na Levi, na Yunda, na Isakale, na Zembuloni.

Kushangumuka 48:5

Yakomba wendekele lalo ngwendi, “Yosefa, vana vove vavali, ava vawakitilile muno mu Ingito omo yange kanda njicete kuno, vanapu vange. Efalime na Manase vunene vanapu vana vange ngwe Luvena na Simyoni.

Kushangumuka 49:26

Vivezikiso vya vimbuto na vishani, vivezikiso vya minkinda yalaja vyuma vyakuvwaelelesa, vyakutunda ku malundu a ku myaka yoshe. Ngeci vivezikiso evi vikale ali Yosefa, uje waangukile kuli vandolome vendi.

2 Samwele 8:15

Ngecivene, Ndaviti washwanene Isalele yoshe, co walingile mwamuvwa na vushunga kuli vanu vendi.

1 Mizimbu 28:4

Shukulu Kalunga, Njambi ya Isalele, wanjangwile yange na vatekulwila vange kushwana Isalele ku myaka yoshe. Co ikeye waangwile muyati wa Yunda kupwa vantwama, muli Yunda lalo waangwilemo muyati wa tate. Co mu naanga eyi yoshe camuvwaesele ku mbunge kwangula yange, nakunjipwisa mwene wa Isalele yoshe.

Myaso 108:8

Ngilyande yapwa yange, na Manase lalo yapwa yange, Efalime yapwa ngwe tepa yange ya nzita, Yunda ikeyo yapwa mulamu wange wa vumwene.

Myaso 60:7

Ngilyande yapwa yange, na Manase lalo yapwa yange, Efalime yapwa ngwe tepa yange ya nzita, Yunda ikeyo yapwa mulamu wange wa vumwene.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Kulava 2:3

Vaje vali mwisi ya pandelo ya Yunda, vakashimbike vimbalaka vyavo ku mutambela wa mu ngangela, mu vimbunga vyavo mwisi ya vantwama vavo. Ntwama ya vanu va Yunda ikeye Nashone muna Aminandave.

Kulava 7:12

Ntwama uje watwalele mulambu wendi a litangwa lyakulivanga wapwile Nashone muna Aminandave, wa ku muyati wa Yunda.

Mateo 2:6

‘Nove Mbetelehema mu lifuti lya Yunda, kesi uwamundondo akati ka vinganda vyakama vya mu Yunda, omwo kuli yove kukatunda muka-kushwana, ikeye akatwamenena vanu vange va Isalele.’ ”

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

Kwituluka mu Mashiko 21:17

Oloni akaane matambelo avali a vufuko vwendi kuli uje munendi wa munalume wa ntwatwa, nameme kesi ikeye mwana wa kuli munakazi uje wawana vulo. Munalume ou napande kutava munendi wa ntwatwa nakumwana vushwana vwa vu ntwatwa vuje vunapu vwendi.

Kwituluka mu Mashiko 33:17

Yosefa wakala na nzili ngwe mpakasha wa nkomba wakulivanga kusemuka, nzili yendi yafwile ngwe vimbinga vya ngombe. Nzili yendi inapu ngwe vanu va Manase 1,000 na nzili ya vanu va Efalime 10,000. Ikeyo yafwile ngwe nzili ya mpakasha ativa miyati ya vanu, nakuvanakwila ku shongo ya kaye.”

VaHevelu 7:14

Omwo tunazivuka mwamuvwa ngwetu mwene yetu wasemukile ku muyati wa Yunda, co Mosesa kendekele a muyati uje omo wendekele vya vaka-kukombelela.

Yoshwa 14:6

Asinoni vanu va ku muyati wa Yunda vezile kuli Yoshwa ku Ngilingale. Umo wa ali vakevo wapwile Kalembi muna Njefune kaKeni, wendekele kuli ikeye ngwendi, “Yove wazivuka vije vyendekele Shukulu Kalunga mu Kandeshe Mbaleneya kuli Mosesa munu wa Njambi ali yove nange.

Kujombolola 5:5

Asinoni umo wa vaje vakulunu wendekele kuli yange ngwendi, “Kesi ulile. Kenga! Ndumba wakutunda ku muyati wa Yunda, naanga yakama ya kuli Ndaviti, ikeye nahyana, co asa kuvatula tusateso otu tutanu na tuvali nakufukula eli livulu.”

Maako 1:2

Co Shukulu Kalunga wavakumbulwile ngwendi, “Muyati wa Yunda ukewo uya akulivanga, omo yange njinakundika lifuti mu mavoko avo.”

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 16:10

Mu ngila eyi Njesi wanenele vana vendi vatanu na vavali kuli Samwele. Co Samwele wendekele kuli ikeye ngwendi, “Embwe, Shukulu Kalunga kaangwile ava.”

1 Samwele 16:12

Ngecivene, Njesi watumineko munu kukamushaka. Ikeye wapwile wamuvwa, mukwenje wakuvenga, mesho endi apwile amavwa. Co Shukulu Kalunga wendekele kuli Samwele ngwendi, “Katuka umuvwavese mazi, omwo ikeye vene ou!”