1 Mizimbu 4:10 - Livulu lya Shukulu Kalunga

¹⁰ Co Njaveze walombelele kuli Njambi ya Isalele ngwendi, “Njivezikise, Njambi, kunjana lifuti lyakama. Kala nange, co njinyunge ku vuvi vuje vwasa kunjiyandesa.” Co Njambi wamwanene vije vyalombele.

1 Mizimbu 4:10 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 12:8

Co akutunda kuje, Avilama wakengeselele mu mbwela ku lifuti lya malundu mu ngangela ya nganda ya Mbetele. Co watungile cilombo cendi mukati ka Mbetele mu kangombe ka yambi na Ayi mu ngangela. Co watungile mutula kuje wakulemesela Shukulu Kalunga.

Kushangumuka 28:20

Asinoni Yakomba walisingile kuli Shukulu Kalunga ngwendi, “Nga yove ukakala nange nakunjinyunga a vungenzi vwange ovu, nakunjana vyakulya na vyakuzala,

Kushangumuka 28:21

cooni nga njikeluka lalo mwamuvwa kwimbo lya tate, co ukapwa Njambi yange.

Kushangumuka 32:26

Co uje munalume wendekele ngwendi, “Njecele njiye litangwa ololo lituuka.” Oloni Yakomba wamukumbulwile ngwendi, “Kunjikweca, kuvanga unanjivezikisa.”

Kushangumuka 32:27

Co uje munalume wamwihwile ngwendi, “Lizina lyove yove iyajo?” Yakomba wamukumbulwile ngwendi, “Yange Yakomba.”

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

Kushangumuka 48:16

Kangelo, uje wanjipatwile kukuvulumuka kwoshe, avavezikise! Lizina lyange na lizina lya tate Avilahama na Isake liyoye ali vanike ava! Vakale na vana vavangi na vatekulwila vavangi!”

1 Mizimbu 16:8

Kandeleleni kuli Shukulu Kalunga, ambululeni vukama vwendi, tsimaneseni vilinga vyendi akati ka vanu.

1 Mizimbu 4:11

Kalembi ndolome ya Shuha, wakele na mwana, lizina lyendi Mehile. Mehile ikeye wapwile ishe ya Eshetone,

1 Mizimbu 4:9

Njaveze vamusingimikile manene mu naanga yendi. Vaina vamulukile lizina lya Njaveze, omwo akumukita kwakele vukalu.

Yombi 12:4

Nameme vasamba vange valinakunjijola ololo, valinakujola, nameme nji muka-vushunga na muka-kujeneka mulonga, oloni kwakele simbu imo omo Njambi wakumbulwile malombelo ange.

Myaso 119:173

Upwe u muka-kunjikwasa simbu yoshe, omwo njikakava mashiko ove.

Myaso 121:7

Shukulu Kalunga akakunyunga mwamuvwa ku vushonde vwoshe.

Myaso 145:19

Ikeye akutisa vizango vya vaje vamukomoka, aziva mitambi yavo, co avamena.

Myaso 21:4

Ikeye wakulombele mwonyo, co wamwanenewo, mwonyo wa myaka yoshe.

Myaso 51:12

Njivwaesele kujolela kwakwamena kwove, nakunjipwisa muka-kukwononoka.

Myaso 51:8

Njizivise muyoyo wakuvwaelela nakujolela, nameme unanjitsene nakunjipokozola, oloni njikavwaelela lalo.

Myaso 55:16

Oloni njitambeka kuli Shukulu Kalunga Njambi ngeci anjikwase, co akanjamena.

Myaso 65:2

omwo yove ukakumbulula malombelo, vanu voshe vakaija kuli yove.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Myaso 99:6

Mosesa na Alone vapwile vaka-kukombelela vendi, Samwele wapwile umo wa vaje valombelele kuli Shukulu Kalunga, co ikeye wakumbulwile malombelo avo.

Visimo 10:22

Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

Visimo 30:8

Njitundise makuli, ngeci kesi njipwe muka-kufuka, nambe kupwa muka-kuutwa, njane vyakulya vije vinanjipande.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Mateo 26:75

co Petulu wanukile lijwi lya Yesu, omo wendekele nendi ngwendi, “Simbu ndemba kanda atambeke, ukanjivyana visimbu vitatu.” Co watuukile anja walilile manene.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Luka 19:42

wendekele ngwendi, “Nga wazivukile lika lelo ngwove vika vishakiwa ngeci kukale kwoloka! Oloni ololo kuwasa kucimona!

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Vilinga vya Miluwa 3:26

Co Njambi waangwile Ngamba yendi, co wamutumine kuli yeni akulivanga, mukumivezikisa ngeci munu woshe atunde ku vingila vyendi vya kupenga-penga.”

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Loma 16:19

Omwo vanu voshe vanazivi kulongwa kweni ku muzimbu wauvwa, co a cuma eci njilinakuvwaelela ali yeni. Njishaka mupwe vaka-mana ku vyuma vyavivwa, oloni pweni mu vangoco ku vyuma vyavivi.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Efeso 3:20

Kuli ikeye a nzili ije ilinakupanga muli yetu asa kupanga manene kutuvakana vije twasa kumulomba, nambe kutuvakana vije vitwasa kuyongola,

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

2 Timateo 4:18

Mwene akanjamene ku vipangi vyoshe vyavivi, co akanjambata mu kwoloka kunjitwala ku Vumwene vwendi vwa Mwilu. Kuli ikeye kukale vumpau ku myaka na myaka! Ewa.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.

1 Samwele 1:17

Co Eli wendekele ngwendi, “Ya mu kwoloka, Njambi ya Isalele akwane evi viwunamulombo.”

1 Samwele 1:20

Ngecivene, Hana wakele na kafumba, co wakitile mwana wa munalume. Wamulukile lizina lyendi Samwele, co walinungulwile ngwendi, “Njamulombele kuli Shukulu Kalunga.”

1 Samwele 1:26

Co Hana wendekele kuli ikeye ngwendi, “Yove shukulu yange! Unanjanuka ndi? Yange uje munakazi iwamwene wemanene aa kuyehi nove, uje wakele nakulombela kuli Shukulu Kalunga.

1 Samwele 1:27

Mwana ou ikeye injalombele, co Shukulu Kalunga nanjana evi vinjamulombele.