1 Mizimbu 3:2 - Livulu lya Shukulu Kalunga

² Wamucitatu Avisalome, vaina vapwile Maka muna Mwene Talemai wa ku Ngeshule. Wamuciwana Andoniya, vaina vapwile Hangite.

1 Mizimbu 3:2 Iomraidhean Croise

2 Samwele 13:1

Avisalome muna Ndaviti, wakele na ndokazi yendi wamuvwa wa muzike lizina lyendi Tamale. Co Aminone muna Ndaviti wamuzemene manene.

2 Samwele 13:38

Avisalome wakakele kuje ku Ngeshule myaka itatu.

2 Samwele 14:23

Asinoni wakatukile waile ku Ngeshule nakukashaka Avisalome kumunena ku Yelusalema.

2 Samwele 14:32

Avisalome wamukumbulwile ngwendi, “Yove wavyanene kwija omo njakusanene. Njashakele ngeci njikutume kuli mwene ukamwihule ngwove, ‘Omwo vikajo njatundilile ku Ngeshule nakwija kuno? Kuma capwile cacivwa kuli yange nga njatumbamene kuje vene.’ ” Co Avisalome wendekele ngwendi, “Ngecivene, njishaka unjitave ngeci njikalimone na mwene, co nga yange njili na mulonga, mwamuvwa anjitsiye.”

2 Samwele 15:8

Omo njakele mu Ngeshule mu Silya, njakulaesele Shukulu Kalunga ngwange nga akanjiilwisila ku Yelusalema, co njikamukombelela n̄ombelo ku Hevelone.”

2 Samwele 18:14

Co Yowave wendekele ngwendi, “Kunjasa kuviisa simbu yange yakwendeka nove.” Ngecivene, wanonele makunga atatu waativile a nulo ya Avisalome oku acili nakuyoya, oku ajenjela ku muti wa oke.

2 Samwele 18:18

Omo Avisalome wakele nakuyoya, walitungilile limanya lya canukiso cendi vavenya mu Cana ca Mwene, omwo ikeye kakele na mwana wakushwana lizina lyendi. Ngecivene, walukile limanya lije lizina lyendi, na ku litangwa lya lelo vacili nakulitumbula ngwavo Limanya lya Avisalome.

2 Samwele 18:33

Co mwene wakele na vusiwa manene. Walondele ku mulili wa akamwa ya cikolo, co walilile. Waile nakulila, nakutambekela ngwendi, “Kekange munange! Munange Avisalome! Avisalome munange! Cinapandele nga yange kunjatsa kwinga mu mwela wove, kekange munange! Avisalome munange!”

2 Samwele 3:3

wamucivali Kilyave, vaina Avingaile, fwile ya Navale, wa ku Kalemele, wamucitatu Avisalome, vaina Maka, muna Talemai mwene wa ku Ngeshule,

2 Samwele 3:4

wamuciwana Andoniya, vaina Hangite, wamucitanu Shefatiya, vaina Avitale,

1 Vimyene 1:5

Co Andoniya muna Hangite walyakele ikeye vavenya ku vukama wendekele ngwendi, “Yange njikapwa mwene.” Co walivwaeselele matemba na vanu vaka-kulonda a tuvalu, na vanu makumi atanu vaka-kwenda kulutwe lwendi.

1 Vimyene 1:6

Ishe na simbu imo yai yamuluvalesele nakumwihula ngwendi, “Omwo vikajo unalingi ngacije?” Na ikeye lalo wapwile mukwenje wamuvwa manene, ikeye wakavele mu likosi lya Avisalome.

1 Vimyene 2:22

Mwene wamukumbulwile ngwendi, “Omwo vikajo ulombela Andoniya kumwana Avishange? Kuma yove wasa kumulombela lino litanda lya vumwene. Co a vyoshe evi, ou munu lalo wapwa mukulunu wange, Aviyatale muka-kukombelela na Yowave vakevo vanamwimanena!”

1 Mizimbu 2:23

Oloni vumwene vwa Ngeshule na Alama vwahyanene vinganda makumi atanu na limo muje, kuwezelelako membo a Njaile, na Kenate, na vinganda vije vyakele kuyehi. Co vanu voshe vaje vakele muje vapwile vatekulwila va Makile, ishe ya Ngilyande.

1 Mizimbu 3:1

Ava vakevo vana va Ndaviti vaje vakitile a simbu ije wakele mu Hevelone. Wa ntwatwa lizina lyendi Aminone, vaina vapwile Ahinowame wa ku Njezelele. Wamucivali Ndanyele, vaina vapwile Avingaile wa ku Kalemele.

1 Mizimbu 3:3

Wamucitanu Shefatiya, vaina vapwile Avitale, na Iteleyame, vaina vapwile Engela.

Yoshwa 13:13

Nameme ngoco, vaIsalele kuvashekele vaNgeshule, na vaMaka embwe, oloni na lelo lino vacili nakukala mu Isalele.