1 Mizimbu 29:9 - Livulu lya Shukulu Kalunga

⁹ Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

1 Mizimbu 29:9 Iomraidhean Croise

1 Vimyene 8:61

Yeni vanu vendi, simbu yoshe pweni vaka-kulongwa kuli Shukulu Kalunga Njambi yetu, ononokeni mashiko endi oshe nakushika kwendi, ngwe mumuli nakulinga ku litangwa lya lelo.”

2 Vimyene 12:5

Muka-kukombelela woshe napande kukala na moko ya vimbongo vije vivanenele vaje vaapangelele, co vije vimbongo vavipangesele mukuvwaesesa Njuvo ya Shukulu Kalunga kwoshe kuje vashakele kuvwaesa.

1 Mizimbu 29:10

Co aje vene, kulutwe lwa mbunga yoshe, Mwene Ndaviti washangazalele Shukulu Kalunga, wendekele ngwendi, “Shukulu Kalunga Njambi ya kukulwila yetu Yakomba, vakushangazale ku myaka yoshe!

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

2 Mizimbu 17:16

co wamucitatu wapwile Amasiya muna Zikeli washikile mashwalale vakupwa 200,000. (Amasiya walyanene kupangela Shukulu Kalunga.)

2 Mizimbu 24:10

Co vantwama na vanu voshe valambwile vimbongo mu cikasa, co cashulile.

2 Mizimbu 31:8

Omo Mwene Hezekiya na vamyata vendi vamwene vungi vwa vyuma vije vivaanene, co vashangazalele Shukulu Kalunga nakushangazala vanu vendi va Isalele.

Ezela 1:6

Vandambo vavo voshe vavakwasele, co vavaanene vyuma vyavingi, malonga a siliva, na ngolinde, na vivala, na vimuna vakwambata vivala, na vyuma vikwavo lalo vya seo, na vin̄ombelo vya mu Njuvo ya Shukulu Kalunga.

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

Kutuuka 35:29

Co vanu voshe va Isalele, vanalume na vanakazi, vaje vimbunge vyavo vyavasindiiye, vanenele milambu yavo ya cizango kuli Shukulu Kalunga yakupangesa vipangi vyoshe ngwe muje mwashikile Shukulu Kalunga Mosesa kulingamo.

Luka 15:6

nakumutwala kwimbo. Co asana vasamba vendi na vandambo vendi amo avaleka ngwendi, ‘Njinavwaelela akuwana manga yange uje wazimbalele. Tujoleleni!’

Yowano 15:11

“Njamileka vyuma evi ngeci kuvwaelela kwange kukale muli yeni, co kuvwaelela kweni kupwe kwamutunu.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 8:3

Mwa vushunga vene njimileka ngwange, vaanene ngwe kwasa kwavo, nambe kuhyana vije. Na cizango cavo coshe,

Filipu 4:1

Ngecivene, vasamba vange, vanjazema manene, njinamizivila vulika vwakama manene! Mukanjivwaelelesa manene, co njikalyalesela manene ali yeni lalo! Vasamba vange vanjazema, omu mukemwo mumunapande kwimana mbe mu mwonyo weni muli Mwene.

Filipu 4:10

Njijolela manene muli Mwene omwo nambe kuneti simbu yakama ololo munendula lalo cizango cakunjikwasa. Kunjendeka ngwange mwalikelele kunjikwasa, oloni kumwasele kuwana ngila yakucilinga.

Maako 5:9

Mbunge yange ili amo na vana va vimyene va mu Isalele, vaje valyanene vakevo vavenya na cizango akati ka vanu. Shangazaleni Shukulu Kalunga!