1 Mizimbu 29:17 - Livulu lya Shukulu Kalunga

¹⁷ Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

1 Mizimbu 29:17 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 29:16

Shukulu Kalunga, Njambi yetu, tunanena amolika vufuko ovu vwoshe, mukutunga Njuvo yove, mukusingimika lizina lyove lyakujela, oloni vufuko vwoshe vwatunda kuli yove, co lalo vufuko vwoshe vwakundama kuli yove.

1 Mizimbu 29:18

Yove Shukulu Kalunga Njambi ya vakukulwila vetu va Avilahama, na Isake, na Yakomba, nyunga viyongola vyakulinga ngeci mu vimbunge vya vanu vove na kwaka vimbunge vyavo kuli yove.

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

2 Mizimbu 6:30

ziva malombelo avo. Vatolilile omo mwilu muwakala, co vasambese nakuvakwasa. Yove lika wazivuka viyongola vya vimbunge vya vanu. Linga ku munu na munu ngwe mucinamupande,

Myaso 15:2

Uje ononoka Njambi simbu yoshe nakulinga vyakushungama, co endeka vushunga mu mbunge yendi,

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 51:6

Kukulaela na vushunga vikevyo viwashaka, njishulise na mana ove.

Myaso 51:8

Njizivise muyoyo wakuvwaelela nakujolela, nameme unanjitsene nakunjipokozola, oloni njikavwaelela lalo.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Visimo 11:20

Shukulu Kalunga wazinda vanu vaka-vimbunge vyavivi, oloni azema vaje vaka-kulinga vya vushunga.

Visimo 16:2

Twasa kusinganyeka ngeci yetu tuzivuka vika vinapu vya vushunga, oloni Shukulu Kalunga apeselesa viyongola vyetu.

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Visimo 21:2

Vingila vya munu vyoshe vinapu vyakushungama ku mesho endi, oloni Shukulu Kalunga ikeye asompa vilinga.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.

Filimoni 1:20

Ngecivene, ndolome yange, njivwaelelese na kalemeso omwo lizina lya Mwene, kolesa mbunge yange, akupwako u ndolome muli Kilistu!

Filimoni 1:7

Cizemo cove, ndolome yange, cinanjinenela kuvwaelela kwakama nakunjitakamesa manene! Omwo yove unavwaelelesa vimbunge vya vanu va Njambi voshe.

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”