1 Mizimbu 29:16 - Livulu lya Shukulu Kalunga

¹⁶ Shukulu Kalunga, Njambi yetu, tunanena amolika vufuko ovu vwoshe, mukutunga Njuvo yove, mukusingimika lizina lyove lyakujela, oloni vufuko vwoshe vwatunda kuli yove, co lalo vufuko vwoshe vwakundama kuli yove.

1 Mizimbu 29:16 Iomraidhean Croise

1 Mizimbu 29:14

“Nameme yange na vanu vange, kutwasa kukwana cuma cimo, omwo vyuma vyoshe vyapwa vwana vwakutunda kuli yove, co yetu tunakwilwisila lika vije vyapwa laja vyove.

1 Mizimbu 29:15

Yove wazivuka, Shukulu Kalunga, mukuyoya kwetu yetu tunapu ngwe vindungo na vangenzi, ngwe muvapwile vakukulwila vetu. Matangwa etu anapu ngwe kwita kwa munzinze, co kutwasa kuputumuka ku kutsa.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

2 Mizimbu 31:10

co Azaliya Muka-kukombelela Wakama, mutekulwila wa Zandoke, wendekele kuli ikeye ngwendi, “Tunde aje vanu vashangumukile kunena vwana vwavo ku Njuvo ya Shukulu Kalunga, tulinakulya mwamuvwa nakukuta, co vyavingi lalo vinasalao. Shukulu Kalunga navezikisa vanu vendi.”

Myaso 24:1

Kaye na vyoshe vije vilimo vyapwa vya Shukulu Kalunga, asi na vanu voshe valiho vapwa vendi.

Hoziya 2:8

Kuma kanangukile ngeci yange uje njamwanene vimbuto, na vinyu, na mazi a olive, na siliva, na ngolinde yoshe vije vyakele nakupangesa mukulemesa Mbale.

Hangai 2:8

Siliva yoshe na ngolinde yoshe ya mu lifuti vyapwa vyange.

Luka 19:16

Co wakulivanga wezile wendekele ngwendi, ‘Shukulu, njinawanenao likumi lya vimbongo vya ngolinde a mbongo imolika ije mwanjanene.’