1 Mizimbu 29:15 - Livulu lya Shukulu Kalunga

¹⁵ Yove wazivuka, Shukulu Kalunga, mukuyoya kwetu yetu tunapu ngwe vindungo na vangenzi, ngwe muvapwile vakukulwila vetu. Matangwa etu anapu ngwe kwita kwa munzinze, co kutwasa kuputumuka ku kutsa.

1 Mizimbu 29:15 Iomraidhean Croise

Kushangumuka 21:34

Co Avilahama wakele mu lifuti lya Filisitiya simbu yakama.

Kushangumuka 23:4

“Yange njinapu muka-kwija, njilinakukala kuno akati keni, njilandeseniko mutambela umo ngeci njikatsindeko munakazi wange.”

Kushangumuka 28:4

Njambi akakuvezikise yove na vatekulwila vove ngwe mwavezikisile Avilahama, ngeci ukafuke lifuti eli muno muunakala, lifuti eli Njambi walyanene kuli Avilahama!”

Kushangumuka 36:7

Ikeye watundile kuje omwo lifuti lije livakele na Yakomba kuvasele kukala mwamuvwa voshe, omwo vakele na vimuna vavangi manene ngeci kuvasele kukala amo.

Kushangumuka 47:9

Yakomba wamukumbulwile ngwendi, “Kuyoya kwange kwakwendangana ano asi kunapu myaka 130. Myaka eyi yapwile yaindondo oloni yakukaluwa, kuyalifwile na myaka ije vakele nakwendangana vakukulwila vange.”

1 Mizimbu 29:14

“Nameme yange na vanu vange, kutwasa kukwana cuma cimo, omwo vyuma vyoshe vyapwa vwana vwakutunda kuli yove, co yetu tunakwilwisila lika vije vyapwa laja vyove.

1 Mizimbu 29:16

Shukulu Kalunga, Njambi yetu, tunanena amolika vufuko ovu vwoshe, mukutunga Njuvo yove, mukusingimika lizina lyove lyakujela, oloni vufuko vwoshe vwatunda kuli yove, co lalo vufuko vwoshe vwakundama kuli yove.

Yombi 14:10

Nga munu atsa, co kuli ikeye vinahuko, omo atula mwonyo, co ali kulijo?

Yombi 14:2

Tulinakukola nakujujwama vwasi ngwe vishani, co tuzimuka ngwe munzinze.

Yombi 8:9

Myonyo yetu yapwa ya kasimbu lika, nacimo cai cituzivuka, tulinakwita ngwe minzinze.

Myaso 102:11

Matangwa ange anafu ngwe munzinze wa cingwezi, njinapu ngwe mwila wakuma.

Myaso 119:19

Yange nji mungenzi ano asi, co kesi unjishwekele mashiko ove.

Myaso 144:4

Munu napu ngwe muku, na matangwa endi akuyoya anapu ngwe munzinze uje ulinakwita.

Myaso 39:12

Shukulu Kalunga tolilila lilombelo lyange, co tolilila ku mutambi wange, kesi woloke omo njitambeka kuli yove! Yange nji mungenzi, nji muka-kwija ngwe muvapwile vakukulwila vange voshe.

Myaso 39:13

Acinjiseze tai njicivwaelele, simbu kanda njitse nakuya ku vukalo vwa vatsi.

Myaso 90:9

Vukalu vwove vunakeesa myaka yetu yakuyoya, kuyoya kwetu kunapu kwakundondo manene.

Muka-kwambulula 6:12

Vatijo munu azivuka vije vinapu vyavivwa ku munu simbu eyi yaindondo ya mwonyo wendi wangoco, mwonyo uje ulinakwita ngwe munzinze? Vatijo munu akasa kuzivuka vyuma vije vikalingiwa mu kaye omo ikeye natsi laja?

VaLevi 25:23

“Livu lyeni kesi mukalilandeselele embwe, omwo kesi lyeni, linapu lya Njambi, omwo yeni munapu ngwe vaka-kwija vaje vavanatavesa lika kupangesako ngoco.

Yakomba 4:14

Yeni kumwazivukile ngweni mwonyo weni ukafwa vati ku litangwa lya imene! Omwo yeni munapu ngwe mbundu, ije isholoka kasimbu kakandondo lika, co inyonga.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.