1 Mizimbu 28:9 - Livulu lya Shukulu Kalunga

⁹ Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 28:9 Iomraidhean Croise

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

1 Vimyene 3:6

Solomoni wamukumbulwile ngwendi, “Simbu yoshe wamwesele tate Ndaviti ngamba yove, cizemo cakama, ikeye walikongomekele, na kulongwa na kasingimiko mu kulitombola nove. Co yove watwaleleo kumumwesa vukama vwove na cizemo cove cije kucesi kutenguluka akumwana mwana ou ku litangwa lya lelo alinakushwana mu mwela wendi.

1 Vimyene 8:39

ziva malombelo avo. Vatolilile omo mwilu muwakala, co vasambese, nakuvakwasa. Yove lika wazivuka viyongola vya vimbunge vya vanu. Linga ku munu na munu ngwe mucinamupande.

1 Vimyene 8:43

tolilila lilombelo lyendi. Mwilu, omo wakala, muzive, co mulingile vije vyakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

1 Vimyene 8:61

Yeni vanu vendi, simbu yoshe pweni vaka-kulongwa kuli Shukulu Kalunga Njambi yetu, ononokeni mashiko endi oshe nakushika kwendi, ngwe mumuli nakulinga ku litangwa lya lelo.”

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

2 Vimyene 21:22

Ikeye wavyanene Shukulu Kalunga Njambi ya vakukulwila vendi, co kononokele mashiko endi.

2 Vimyene 22:2

Yosiya walingile vije vyavwaelelesele Shukulu Kalunga, co watembunwinine kukulwila yendi Mwene Ndaviti, wononokele mashiko oshe a Njambi.

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

1 Mizimbu 28:8

“Ngecivene, ololo, vanu vange, ku mesho a Njambi yetu na cikungulukilo coshe eci ca Isalele, vanu va Njambi, njimishika ngeci munyanyame nakwononoka vyuma vyoshe vije vyanatushiki Shukulu Kalunga Njambi yetu, ngeci mushwane lifuti eli lyalivwa, ngeci mukalikundike kuli vana veni ku visemwa vyeni vyoshe.”

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

2 Mizimbu 12:5

Co Shemaya muka-kwimanena waile kuli Mwene Lehovowame na kuli vantwama va vaYunda vaje vakungulukilile mu Yelusalema kutewa nzita ya Shishake, wendekele kuli vakevo ngwendi, “Shukulu Kalunga nendeka ngwendi, ‘Munanjikengesa nima, mukemwo njinamikundika mu mavoko a Shishake.’ ”

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 6:30

ziva malombelo avo. Vatolilile omo mwilu muwakala, co vasambese nakuvakwasa. Yove lika wazivuka viyongola vya vimbunge vya vanu. Linga ku munu na munu ngwe mucinamupande,

Ezela 8:22

Njakele na shwamwa yakulomba kuli mwene mbunga ya mashwalale ngeci vatunyunge ku vitozi mu vungenzi vwetu, omwo njamulekele ngwange Njambi yetu avezikisa munu woshe uje amukulaela, oloni akaluvala nakuhisa munu woshe uje amukengesa nima.

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Myaso 139:2

Yove uzivuka vyuma vyoshe vinjikalingi, nambe uli kulyala, oloni uzivuka viyongola vyange vyoshe.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 7:10

Njambi ikeye ntelo yange, ikeye muka-kwamena vaje voshe valinga vya vushunga.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Myaso 89:26

Ikeye akendeka kuli yange ngwendi, ‘Yove unapu u tate na Njambi yange, yove unapu u muka-kunjinyunga na muyoyesi wange.’

Myaso 89:38

Oloni yove unaluvala na mwene uje iwangwile, unamuvyana nakumuseza.

Myaso 9:10

Voshe vaje vasingimika lizina lyove, vasa kukulaela kuli yove, omwo yove Shukulu Kalunga wapwa wa kulongwa kuli vaje vanakulaela kuli yove.

Kutuuka 15:2

Shukulu Kalunga ikeye nzili yange omu mukemwo njilinakumwimbila, omwo nanjamena. Ikeye Njambi yange, co njikamushangazala, ikeye Njambi ya tate, co njikamwimbila a vukama vwendi.

Kutuuka 3:16

Ya ukakungulwile amo vantwama va Isalele voshe ukavaleke ngwove, ‘Shukulu Kalunga, Njambi ya vakukulwila veni, Njambi ya Avilahama, na Isake, na Yakomba, nalisholwele kuli yange. Valeke ngwove Njambi nakenge ali yeni, co namono vika vaka-Ingito valinakumilinga.

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Visimo 3:6

Simbu yoshe tava Shukulu Kalunga ngeci akutwamenene, co akakumwesa vingila vya vushunga.

Visimo 4:4

tate wanjilongesele wendekele ngwendi, “Mbunge yove ikwate majwi ange, anyunge, co ukayoya.”

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 38:3

“Shukulu Kalunga, anuka ngeci yange njakupangela nakukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Njelemiya 11:20

Asinoni njalombelele ngwange, “Shukulu Kalunga Muka-nzili yoshe, yove wapwa muka-kusompa wa vushunga, u muka-kwilula viyongola vya vanu na mana avo, njinakundika n̄anda yange mu mavoko ove, ngeci njinakengelela kuli yove kulinga shambandinga ali vanu ava.”

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 20:12

Oloni Shukulu Kalunga Muka-nzili yoshe, ukelula vanu mu vushunga, uzivuka vili mu vimbunge vyavo na mu viyongola vyavo. Ngecivene, njishaka kumona muulinga shambandinga na vitozi vange, omwo njinakuleke n̄anda yange.

Njelemiya 22:16

Ikeye waamenene vaka-kuutwa, vyuma vyoshe kuli ikeye vyendele mwamuvwa. Omu mukemwo mucalumbunukila kuzivuka Shukulu Kalunga.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 29:13

Mukanjishakezeka, co mukanjiwana, omwo mukanjishakezeka na vimbunge vyeni vyoshe.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 9:24

oloni uje alyalesa, napande kulyalesa ngeci anjizivuke nakunjizivisisa, omwo cizemo cange capwa ca myaka yoshe, co njikalingi vya vushunga nakushungama. Evi vikevyo vyuma vikanjivwaelelesa. Yange Kalunga, njinendekamo.”

Ezekiyele 11:5

Munzinzime wa Shukulu Kalunga wezile ali yange, co Shukulu Kalunga wanjilekele kwendeka kuli vanu ngwange, “Vanu va Isalele, njazivuka vimulinakwendeka, na matumbe mulinakutumba.

Ezekiyele 38:10

Evi vikevyo vyalinakwendeka Shukulu Kalunga wa Akamwa ya Vyoshe kuli Ngonge ngwendi, “Omo simbu ije ikaija, co ukashangumuka kutumba vutumbe vwavuvi.

Hoziya 4:1

Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 2:25

Omo kashakele munu umo amuleke vukaleo vwa vanu, omwo wazivukile vije vyakele mu vimbunge vyavo.

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Yowano 4:24

Njambi ikeye Munzinzime, co vaje vamulemesa, vanapande kumulemesa mu munzinzime na mu vushunga.”

Yowano 8:55

Oloni yeni kumwamuzivukile, yange njimuzivuka. Nga njendeka ngwange kunjimuzivuka, co njipwa nji muka-makuli ngwe yeni. Oloni yange njimuzivuka, co njinonoka lijwi lyendi.

Vilinga vya Miluwa 1:24

Asinoni valombelele ngwavo, “Mwene, yove uzivuka viyongola vya vanu voshe, ngecivene, tusholwele iya umo akati kaava vanu vavali iwunaangula

Vilinga vya Miluwa 17:23

Omwo njinende mu nganda yeni nakukenga ku mitambela kuje mukalemesela, njawanene a mutula umo aje vanasoneka ngwavo, ‘Kuli Njambi Uje Kutuzivuka.’ Cije mukalemesa, nameme kumucizivuka, cikeco njilinakwambulula kuli yeni ololo.

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 31:21

Co tuyando twatungi twakukomokesa tukakala ali vakevo, oloni mwaso ou uvakaimba ukapwa vukaleo vwange kuli vakevo, omwo mwaso ou ukakala mu vimbunge vya vatekulwila vavo. Nameme kanda njivatwale mu lifuti lije njalisingile kuvanalyo, njazivuka vivalinakuyongola.”

Kwituluka mu Mashiko 4:35

“Shukulu Kalunga washolwele evi kuli yeni ngeci muzivuke ngweni Shukulu Kalunga ikeye Njambi, kukwesi weka lalo wai.

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 12:20

Samwele wakumbulwile ngwendi, “Kesi muzive lyova embwe. Nameme munalingi vuvi vwa cifwa cangacije, kesi mutenguluke mutunde kuli Shukulu Kalunga, oloni mupangeleni na mbunge yeni yoshe.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”