1 Mizimbu 28:8 - Livulu lya Shukulu Kalunga

⁸ “Ngecivene, ololo, vanu vange, ku mesho a Njambi yetu na cikungulukilo coshe eci ca Isalele, vanu va Njambi, njimishika ngeci munyanyame nakwononoka vyuma vyoshe vije vyanatushiki Shukulu Kalunga Njambi yetu, ngeci mushwane lifuti eli lyalivwa, ngeci mukalikundike kuli vana veni ku visemwa vyeni vyoshe.”

1 Mizimbu 28:8 Iomraidhean Croise

1 Mizimbu 28:7

Co njikakolesa vumwene vwendi ku myaka yoshe, nga ikeye akononoka mwamuvwa mashiko ange oshe, nakushika kwao ngwe mwalinakulinga ololo.’

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Ezela 9:12

Vatulekele ngeci kesi tulyambatele na vaje vanu, co kesi tuvakwase nakuvayoyesa mwamuvwa, nambe kuvafukisa, nga tushaka kukala na nzili, nakulya vyavivwa vya mu lifuti, nakuvisezela vatekulwila vetu ngeci vikapwe vushwana vwavo ku myaka yoshe.

Myaso 119:27

Njikwase kuzivuka mashiko ove, co njikayongola a vipangi vyove vyakukomokesa.

Myaso 119:4

Yove unatwana mashiko ove Shukulu Kalunga, ngeci tuwononoke mwamuvwa.

Myaso 119:44

Njikononoka mashiko ove simbu yoshe, ku myaka yoshe!

Kutuuka 23:13

“Co tolilileni ku vyuma vyoshe vije vinjendeka kuli yeni yange Kalunga. Kesi mulombele kuli vinjambi veka, kesi muvatumbozole nameme a mazina avo.

Visimo 13:22

Munu wamuvwa asezela vatekulyendi vushwana, oloni vufuko vwa vaka-vuvi vakavwambata kuli vaka-vushunga.

Visimo 3:1

Munange, kesi wivale vilongesa vyange. Simbu yoshe mbunge yove inapande kunyunga mashiko ange.

Isaya 34:16

Shakezekeni mu livulu lya Shukulu Kalunga lya vikashama vakuyoya mulave vije vilyendeka. Nacimo cai cuma cakutanga cikajenekamo, co cuma cakutanga nacimo cai cikajeneka kukala na cikwavo. Shukulu Kalunga ikeye nashiki ngeci vifwemo, ikeye vavenya akavikungulwila amo.

Vilinga vya Miluwa 10:33

Ngecivene, njatumine vwasi-vwasi vanu kuli yove, co unavwaesa omo unaija. Ololo yetu voshe tuli kuno ku mesho a Njambi tunavandamena kutolilila vyuma vyoshe ovyo vyanakuleka Mwene ngeci uvyendeke.”

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

Kwituluka mu Mashiko 27:1

Asinoni Mosesa na vantwama va Isalele vendekele kuli vanu ngwavo, “Nyungeni mashiko oshe awa njilinakumyana ku litangwa lya lelo.

Kwituluka mu Mashiko 29:10

“Litangwa lya lelo muvavoshe munemana ku mesho a Shukulu Kalunga Njambi yeni, vanalume voshe va Isalele, na vantwama, na vamyata, na vakulunu veni,

Kwituluka mu Mashiko 29:15

oloni alinakulikumiiya amo netu voshe tunemana kuno ku mesho endi ku litangwa lya lelo, amo na vatekulwila vetu vaje kanda vasemuke.

Kwituluka mu Mashiko 4:1

Asinoni Mosesa wendekele kuli vanu va Isalele ngwendi, “Ononokeni mashiko oshe aje anjimilongesa, ngeci mukayoye nakukala mu lifuti lije lyakamyana Shukulu Kalunga Njambi ya vakukulwila veni.

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.

Kwituluka mu Mashiko 4:6

Ngecivene, ononokeni mashiko, co eci cikamwesa vanu va miyati yeka mana eni. Omo vakaziva mashiko oshe awa, co vakendeka ngwavo, ‘Mwa vushunga muyati ou vali na mana nakuzivisisa kwakuvwa!’

Kwituluka mu Mashiko 5:32

“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi.

Kwituluka mu Mashiko 5:33

Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.

Yoshwa 24:20

nga museza Shukulu Kalunga nakupangela vinjambi veka, co ikeye akamitengulukila nakumihisa. Co akaminyongesa, nameme ikeye wapwile wamuvwa kuli yeni akulivanga.”