1 Mizimbu 28:4 - Livulu lya Shukulu Kalunga

⁴ Shukulu Kalunga, Njambi ya Isalele, wanjangwile yange na vatekulwila vange kushwana Isalele ku myaka yoshe. Co ikeye waangwile muyati wa Yunda kupwa vantwama, muli Yunda lalo waangwilemo muyati wa tate. Co mu naanga eyi yoshe camuvwaesele ku mbunge kwangula yange, nakunjipwisa mwene wa Isalele yoshe.

1 Mizimbu 28:4 Iomraidhean Croise

2 Samwele 5:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele.

1 Mizimbu 17:23

“Co ololo, Shukulu Kalunga, simbu yoshe shulisa cikulaeso ciwakulaesele yange ngamba yove na vatekulwila vange, linga vije viwatumbwile kulinga.

1 Mizimbu 17:27

Ngecivene, njikulomba uvezikise vatekulwila va ngamba yove, ngeci vayoye simbu yoshe ku mesho ove. Yove Shukulu Kalunga, unavavezikisa, co vivezikiso vyove vikakala ali vakevo simbu yoshe.”

1 Mizimbu 5:2

Wapwile muyati wa Yunda wa nzili kuje kwatundile muka-kushwana miyati yoshe.)

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Myaso 108:8

Ngilyande yapwa yange, na Manase lalo yapwa yange, Efalime yapwa ngwe tepa yange ya nzita, Yunda ikeyo yapwa mulamu wange wa vumwene.

Myaso 18:19

Wanjikwasele kunjitundisa mu vushonde, wanjamenene omwo wavwaelelele nange.

Myaso 60:7

Ngilyande yapwa yange, na Manase lalo yapwa yange, Efalime yapwa ngwe tepa yange ya nzita, Yunda ikeyo yapwa mulamu wange wa vumwene.

Myaso 89:4

‘Umo wa vatekulwila vove akapwa mwene, co njikakolesa vumwene vwove simbu yoshe.’ ”

VaHevelu 7:14

Omwo tunazivuka mwamuvwa ngwetu mwene yetu wasemukile ku muyati wa Yunda, co Mosesa kendekele a muyati uje omo wendekele vya vaka-kukombelela.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 26:1

Vanu vamo vatundile ku Zife vezile kuli Saulu ku Ngimbeya, vamulekele ngwavo Ndaviti navanda ku Munkinda wa Hakila walishungama na mambo ya Yundeya.