1 Mizimbu 28:20 - Livulu lya Shukulu Kalunga

²⁰ Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

1 Mizimbu 28:20 Iomraidhean Croise

1 Vimyene 6:38

Ku ngonde yamucitanu na vitatu, mu ngonde ya Mbule, mu mwaka wamulikumi na umo wakushwana kwa Solomoni, Njuvo ya Shukulu Kalunga yoshe yahwile ngwe ku vutumbe vuvaitumbilile. Co Solomoni waitungile myaka itanu na ivali.

1 Mizimbu 22:13

Nga wononoka mashiko oshe aje aanene Shukulu Kalunga kuli Mosesa ali Isalele, co ukavezika. Pwa muka-kukolesa nakusimpa, co kesi utave cuma cimo cikuzivise lyova.

1 Mizimbu 28:10

Zivuka ngeci Shukulu Kalunga nakwangula umutungile Njuvo yendi yakujela. Kolesa ngeci uyitunge.”

2 Mizimbu 19:11

Amaliya Muka-kukombelela Wakama ikeye akasompa vin̄anda vyoshe vya vuNjambi, co mwata wa mu Yunda Zevandiya muna Ishimela, nguvulu wa mu Yunda, ikeye akasompa vin̄anda vyoshe vya cisemwa. Co vaLevi vakevo vakamikwasa. Pweni vakusimpa, nyungeni vilongesa evi, co Shukulu Kalunga akale na vaje valinga vushunga!”

Ezela 10:4

Eyi inapu moko yove ya kupanga. Tuli amo nove, kolesa ngeci ucilinge.”

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:13

Yange Kalunga Njambi yeni, njikamikolesa nakumileka ngwange, ‘Kesi muzive lyova, njikamikwasa.’ ”

Hangai 1:13

Asinoni Hangai walekele vanu majwi a Shukulu Kalunga ngwendi, “Njikakala amo neni, eci cikeco cikulaeso cange.”

Hangai 2:4

Oloni ololo kesi muzeye yeni voshe, pangeni vipangi, yange njili amo neni.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

Kwituluka mu Mashiko 31:6

Koleseni nakusimpa. Kesi mukavazivile lyova nambe kulijujukila embwe, omwo Shukulu Kalunga Njambi yeni akakala amo neni. Ikeye kakonwa nambe kumiseza eni lika embwe.”

Kwituluka mu Mashiko 4:31

Omwo Shukulu Kalunga Njambi yeni ikeye Njambi wa mema ku mbunge. Co ikeye kakamiseze nambe kuminyongesa embwe, nambe kwivala cikumiiyo cije walikumiiye na vakukulwila veni.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”