1 Mizimbu 26:13 - Livulu lya Shukulu Kalunga

¹³ Naanga yoshe, yaindondo nambe yakama, vatele n̄ela ngeci vamone cikolo muka cije vanapande kunyunga.

1 Mizimbu 26:13 Iomraidhean Croise

1 Mizimbu 24:31

Navo lalo vakulunu va mu naanga, vatele n̄ela ngwe muvalingile vandolome vavo vaka-kukombelela vakutunda kuli Alone. Mwene Ndaviti, na Zandoke, na Ahimeleke, na vakulunu va mu naanga ya vaka-kukombelela, na vaLevi vapwile vakaleo.

1 Mizimbu 24:5

Omo mu Njuvo ya Shukulu Kalunga mwakele vamyata na vantwama vaje vendesele vipangi vya Shukulu Kalunga akati ka vatekulwila va Elyazale na Itamale, vavanene vipangi akuta n̄ela.

1 Mizimbu 25:8

Co vatele n̄ela omo a vipangi vyavo, voshe vakele nakuta n̄ela, vanike nambe vakulunu, mulongisi nambe ndongisi.

1 Mizimbu 26:12

Vaka-kunyunga Njuvo ya Shukulu Kalunga vavaangunwine mu vimbunga, ngwe mu naanga yavo, co vavaanene vipangi vya mu Njuvo ya Shukulu Kalunga, ngwe muvalingile vakwavo vaLevi.

1 Mizimbu 26:14

Co n̄ela ya ku cikolo ca mu ngangela yawililile Shelemiya, vatele n̄ela lalo ali munendi Zekaliya muka-kunangula na mana, co n̄ela yawililile ku cikolo ca ku kunto.