1 Mizimbu 25:6 - Livulu lya Shukulu Kalunga

⁶ Vana vendi voshe ishavo ikeye wakele nakuvatwamenena kwimba vingenjo na tulyalya, mu Njuvo ya Shukulu Kalunga akulemesa. Co Asafe, na Njendutune, na Hemane, vakele nakuvashika kuli mwene.

1 Mizimbu 25:6 Iomraidhean Croise

2 Samwele 6:5

Ndaviti na vaIsalele voshe vakele nakukina nakwimba na nzili yavo yoshe nakusingimika Shukulu Kalunga. Vakele nakwimba tulyalya, na visanzi, na vingoma, na misambo, na vingenjo.

1 Vimyene 10:12

Solomoni wapangesele viti vije vindendelo vyakulondela mu Njuvo ya Shukulu Kalunga na mu lipela lyendi, co lalo washongele tulyalya na visanzi vya vaka-kwimba. Vyapwile viti vyavivwa manene vya njunipa vije kanda vacivinene lalo mu Isalele.)

1 Mizimbu 15:16

Co Ndaviti washikile vantwama va vaLevi ngwendi, “Anguleni vavushoko vweni vaLevi vaimbe myaso nakwimba myaso yakuvwaelela a tulyalya, na vingenjo.”

1 Mizimbu 15:19

Vaka-kwimba vingenjo vya vunengu vapwile Hemane, na Asafe, na Etane.

1 Mizimbu 15:22

Kenaniya vamwangwile kupwa muka-kwimbisa vaLevi omwo akusungika kwendi.

1 Mizimbu 23:5

co ava 4,000 vapwile vaka-kunyunga ku vikolo, co vanu vakupwa 4,000 vapwile vaka-kushangazala Shukulu Kalunga na visanzi vije vyaanene Ndaviti ngeci vavipangese.

2 Mizimbu 20:28

Omo vetele mu nganda, vaile ku Njuvo ya Shukulu Kalunga, oku vemba tulyalya na malupembo.

2 Mizimbu 23:13

Co wamwene mwene wamuhwa nemana ku manda ya vumwene ku cikolo ca Njuvo ya Shukulu Kalunga, ngwe ku futisi yavo, co vamyata va mbunga ya mashwalale na vaka-kwimba malupembo vamuzengelekele. Co vanu voshe vatambekele nakujolela nakwimba malupembo, vaka-kwimba va mu Njuvo ya Shukulu Kalunga na vyakwimbisa vyavo vatwamenenene ciwano. Co Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Mizimbu 29:13

Va ku cikota ca Elizafane vapwile, Shimeli, na Njewele. Va ku cikota ca Asafe vapwile, Zekaliya, na Mataniya.

2 Mizimbu 29:25

Co mwene wakavangeyeye vilongesa vije vyaanene Shukulu Kalunga kuli Mwene Ndaviti ali Ngande, muka-kwimanena wa mwene, na ali Natane muka-kwimanena, co ikeye waakele vaLevi mu Njuvo ya Shukulu Kalunga, na tulyalya, na vingenjo,

Nehemiya 11:17

Mataniya, muna Mika mutekulu wa Zavendi, mutekulwila wa Asafe ikeye watwamenenene malombelo a cikandelela mu Njuvo ya Shukulu Kalunga, co Mbakevukiya, wapwile wakwata kuli Mataniya, na Avenda, muna Shamwa mutekulu wa Ngalale, mutekulwila wa Njendutune.

Nehemiya 12:24

Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Nehemiya 12:46

Laja a matangwa a Mwene Ndaviti na Asafe muka-kwimba, vaka-kwimba vakele nakutwamenena myaso ya kushangazala, na myaso ya kukandelela kuli Njambi.

Myaso 68:25

Vaka-kwimba vakele kulutwe, co vaka-kwimba na vyuma vyakwimbisa vakele munima, mukati kavo mwakele vambanda vaje vaimbile tumbulumbumba.

Efeso 5:19

Endekeni kuli umo na mukwavo na majwi a myaso na myaso ya ku san̄ulu na myaso yakujela, imbeni myaso kuli Mwene nakushangazala mu vimbunge vyeni.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.