1 Mizimbu 25:1 - Livulu lya Shukulu Kalunga

¹ Mwene Ndaviti na vantwama va vaLevi vaangwile vikota vya vaLevi kutwamenena vipangi vyakulemesa, mazina avo, Asafe, na Hemane, na Njendutune. Vaje vakele nakwambulula vin̄anda vya Njambi, nakwimba myaso a tulyalya na a vingenjo. Ou ukewo mukana wa vanu vavaangwile kupwa vaka-kutwamenena akulemesa, ngwe a ngila ije vaangwile yakwendeselamo vipangi vije mbunga imo na imo yalingile.

1 Mizimbu 25:1 Iomraidhean Croise

1 Vimyene 10:12

Solomoni wapangesele viti vije vindendelo vyakulondela mu Njuvo ya Shukulu Kalunga na mu lipela lyendi, co lalo washongele tulyalya na visanzi vya vaka-kwimba. Vyapwile viti vyavivwa manene vya njunipa vije kanda vacivinene lalo mu Isalele.)

2 Vimyene 3:15

Ololo njineneleni muka-kwimba.” Omo muka-kwimba washangumukile kwimba kalyalya kendi, co nzili ya lijwi lya Shukulu Kalunga yezile kuli Elisha.

1 Mizimbu 12:28

Co vavushoko vwa Zandoke, mukwenje muka-kwasa kulwa kwatundile vanalume 22, vaje vapwile vamyata.

1 Mizimbu 13:8

co Ndaviti na vanu voshe va Isalele vakinine na nzili yavo yoshe nakusingimika Njambi. Vembile myaso na tulyalya, na vingoma, na vingenjo, na malupembo.

1 Mizimbu 15:28

Ngecivene, vaIsalele voshe vatwalele Cikasa ca Cikumiiyo ku Yelusalema na tuwelele twakuvwaelela, nakwoya kwa malupembo, na vimbinga, na vingenjo, na myaso ya a tulyalya.

1 Mizimbu 23:2

Mwene Ndaviti wakungulwile vantwama voshe va Isalele na vaka-kukombelela voshe amo na vaLevi.

1 Mizimbu 25:2

Co Asafe wakele na vana vawana mazina avo, Zakule, na Yosefa, na Netaniya, na Ashalela. Asafe ikeye wakele nakuvatwamenena, uje wakele nakwambulula vin̄anda vya Njambi ngwe mwamushikile mwene.

1 Mizimbu 25:3

Co vana va Njendutune vatanu na umo mazina avo, Ngendaliya, na Zeli, na Njeshaya, na Shimei, na Hashaviya, na Matitiya, vakevo vakele nakwambulula vin̄anda vya Njambi, co ishavo ikeye wakele nakuvatwamenena kwimba na tulyalya, mukwalesa nakukandelela Shukulu Kalunga.

1 Mizimbu 25:9

N̄ela yakulivanga yawililile kuli Asafe yapwile ya Yosefa, yamucivali kuli Ngendaliya, na vavushoko vwendi, na vana vendi likumi na vavali,

1 Mizimbu 6:16

Levi wakele na vana vatatu mazina avo, Ngeleshone, na Kohate, na Melali.

1 Mizimbu 6:33

Mukana wa naanga ya vanalume vaje vapangele amo na vana vavo ukewo ou. Cikota ca Kohate, Hemane, ikeye wapwile ntwama wa munga yakulivanga ya vaka-kwimba myaso, ikeye wapwile muna Njwele. Co mukana wa naanga yendi washangumukilile kuli Yakomba vakevo ava, Hemane muna Njwele, muna Samwele,

1 Mizimbu 6:39

Asafe ikeye wapwile ntwama wamucivali wa vaka-kwimba myaso. Co mukana wa naanga yendi washangumukilile kuli Levi vakevo ava, Asafe muna Mbelekiya, muna Shimbeya,

1 Mizimbu 6:44

Etane wa ku cikota ca Melali wapwile ntwama wamucivali wa vaka-kwimba myaso, mukana wa naanga yendi washangumukilile kuli Levi vakevo ava, muna Kishi, muna Avendi, muna Maluke,

1 Mizimbu 9:33

Co naanga ya vaLevi vamo vakele na moko yakwendesa myaso ya mu Njuvo ya Shukulu Kalunga. Vakulunu va naanga ije vakele mu vinjuvo vimo vya ku Njuvo ya Shukulu Kalunga, co vakele ngoco kuvapangele vipangi vikwavo embwe, omwo vakevo vakele nakupanga mutanya na vutsiki.

2 Mizimbu 23:1

Mu mwaka wamucitanu na ivali, Yehoyanda muka-kukombelela wayongwele ngeci eyi ikeyo simbu yakulinga cimo. Walizivasanene na vamyata va mbunga ya mashwalale vatanu mazina avo, Azaliya muna Njelohame, na Ishimela muna Njehohanane, na Azaliya muna Ovende, na Maseya muna Andaya, na Elishafate muna Zikeli.

2 Mizimbu 23:13

Co wamwene mwene wamuhwa nemana ku manda ya vumwene ku cikolo ca Njuvo ya Shukulu Kalunga, ngwe ku futisi yavo, co vamyata va mbunga ya mashwalale na vaka-kwimba malupembo vamuzengelekele. Co vanu voshe vatambekele nakujolela nakwimba malupembo, vaka-kwimba va mu Njuvo ya Shukulu Kalunga na vyakwimbisa vyavo vatwamenenene ciwano. Co Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Mizimbu 23:18

Yehoyanda waangwile vaka-kukombelela na vaLevi kupwa vakulunu va vipangi vya ku Njuvo ya Shukulu Kalunga. Vakevo vapangele vipangi vije vyavanene Mwene Ndaviti, nakukombelela vin̄ombelo vya kwenyeka kuli Shukulu Kalunga ngwe ku mashiko a Mosesa. Co lalo vapwile vakulunu vakukenga a myaso na a viwano.

2 Mizimbu 23:9

Co Yehoyanda waanene vaje vamyata makunga, na vintelo vije vyapwile vya Mwene Ndaviti vije vivanyungilile mu Njuvo ya Shukulu Kalunga.

2 Mizimbu 29:13

Va ku cikota ca Elizafane vapwile, Shimeli, na Njewele. Va ku cikota ca Asafe vapwile, Zekaliya, na Mataniya.

2 Mizimbu 29:14

Va ku cikota ca Hemane vapwile, Njehwele, na Shimei. Va ku cikota ca Njendutune vapwile, Shemaya, na Uziyele.

2 Mizimbu 31:2

Co Mwene Hezekiya wakolesele lalo vipangi vya vaka-kukombelela na vaLevi, ngwe ku vipangi vya munu na munu. Evi vyapwile kukombelela vin̄ombelo vya kwenyeka na milambu ya kulitombola, na milambu ya cikandelela nakupanga mu Njuvo ya Shukulu Kalunga.

2 Mizimbu 34:12

Ava vanu vapangele cipangi eci na vimbunge vyavo vyoshe. Vavatwamenenene kuli vaLevi vawana mazina avo, Njahate na Ovandiya va ku cikota ca Melali, Zekaliya na Meshulame va ku cikota ca Kohate. (Co vaLevi voshe vapwile vaka-kusungika kukwimba.)

2 Mizimbu 35:15

Co vaLevi vaka-kwimba va ku cikota ca Asafe vakele mu myela yavo ngwe muvavaaneneyo ngwe ku mashiko a Mwene Ndaviti mazina avo, Asafe na Hemane na Njendutune, muka-kwimanena wa mwene. Co vaka-kunyunga ku vikolo vya Njuvo ya Shukulu Kalunga kuvatundile mu myela yavo, omwo vaLevi veka vavavwaeselele Ciwano ca Pasovala.

2 Mizimbu 5:12

Co vaLevi voshe vaje vapwile vaka-kwimba, Asafe, na Hemane, na Njendutune, na vanu va ku vikota vyavo, vazalele vuzalo vwa linyu. Co vaLevi vemanene ku mutambela wa mu ngangela kuyehi na mutula vakwatele vingenjo, na tulyalya, amo na vaka-kukombelela vakupwa 120 vaje vakele nakwimba malupembo.

2 Mizimbu 8:14

Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

Ezela 2:41

Vaka-kwimba mu Njuvo ya Shukulu Kalunga vatekulwila va Asafe vapwile 128.

Ezela 6:18

Co lalo vaakele vaka-kukombelela na vaLevi ku vipangi vya Njuvo ya Shukulu Kalunga mu Yelusalema, ngwe ku vilongesa vije vasoneka mu livulu lya Mosesa.

Nehemiya 11:17

Mataniya, muna Mika mutekulu wa Zavendi, mutekulwila wa Asafe ikeye watwamenenene malombelo a cikandelela mu Njuvo ya Shukulu Kalunga, co Mbakevukiya, wapwile wakwata kuli Mataniya, na Avenda, muna Shamwa mutekulu wa Ngalale, mutekulwila wa Njendutune.

Nehemiya 12:24

Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Nehemiya 12:27

Omo vakundikile civumbe ca nganda ya Yelusalema, co vakashakele vaLevi kwoshe kuje kuvakele, ngeci navo vakulipandakane mukulisamba, akukundika nakwimba myaso ya cikandelela, na vingenjo, na tulyalya, na visanzi.

Myaso 81:2

Shangumukeni mwaso nakwimba tumbulumbumba, imbeni myaso yaivwa a tulyalya na a visanzi.

Myaso 81:3

Imbeni lupembo omo ngonde itenama, nameme omo ili mukati, na a litangwa lya viwano vyetu.

Ezekiyele 40:44

Asinoni wanjinenele mukati ka cipango ca mbanja. Co kuje kwakele milili ivali yakukengesela mukati ka cipango ca mbanja, umo wakengesele ku mutambela wa mu mbwela ku cikolo ca ku kunto, co ukwavo wakengesele ku mutambela wa ku kunto ku cikolo ca mu mbwela.

1 Samwele 10:5

Asinoni ukaya ku Lilundu lya Njambi ku Ngimbeya, kukekwo kuli cilombo ca vaFilisitiya. Co omo uketa ku vukovelelo vwa nganda, ukaliwana na mbunga ya vaka-kwimanena vashelumuka kutunda ku mutula a lilundu, valinakwimba na tulyalya, na vingoma, na vimbendo, na visanzi. Vakambulula vuka-kwimanena.