1 Mizimbu 24:6 - Livulu lya Shukulu Kalunga

⁶ Co vatekulwila va Elyazale, na Itamale, vakele nakulyakula akuta n̄ela. Asinoni vavasonekele kuli muka-kusoneka Shemaya muna Netanela kaLevi. Co mwene, na vamyata vendi, na Zandoke muka-kukombelela, na Ahimeleke muna Aviyatale, na vakulunu va naanga ya vaka-kukombelela na naanga ya vaLevi, voshe vapwile vakaleo.

1 Mizimbu 24:6 Iomraidhean Croise

1 Vimyene 4:3

Co Eliholefe na Ahiya, vana va Shisha vapwile vaka-kusoneka va mu mbanja, co Njosefati muna Ahilunde wapwile mukulunu wakutulika mikanda,

1 Mizimbu 18:16

Zandoke muna Ahituve, na Ahimeleke muna Aviyatale vapwile vaka-kukombelela, co Selaya wapwile muka-kusoneka wa mu mbanja,

1 Mizimbu 23:24

Ava vakevo vatekulwila va Levi, ku vikota na mu naanga yavo, munu na munu walisonekesele lizina. Co munu na munu na vatekulwila vendi, kutunda ku myaka makumi avali nambe kutuvakana, vapangele vipangi vya mu Njuvo ya Shukulu Kalunga.

1 Mizimbu 24:31

Navo lalo vakulunu va mu naanga, vatele n̄ela ngwe muvalingile vandolome vavo vaka-kukombelela vakutunda kuli Alone. Mwene Ndaviti, na Zandoke, na Ahimeleke, na vakulunu va mu naanga ya vaka-kukombelela, na vaLevi vapwile vakaleo.

1 Mizimbu 24:7

Omu mukemwo muvanenenemo vipangi ije mikana ya vinaanga vyakupwa makumi avali na viwana. Co n̄ela yakulivanga yawililile ali Yehoyalive, yamucivali ali Njendaya,

2 Mizimbu 34:13

VaLevi vakwavo vakele na vipangi vyakututa vivala nakutwamenena vanu mu vipangi vyakuliseza-seza, co vakwavo vapwile vaka-kusoneka, vamo vapwile vaka-kunyunga ku vikolo.

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Nehemiya 8:1

Ku ngonde yamucitanu na vivali, vanu va Isalele voshe vakele mu vinganda vyavo. Co a litangwa lyakulivanga ku ngonde ije vene voshe vakungulukilile mu Yelusalema, mushandangala ku Cikolo ca Mema. Co valombele Ezela, muka-kukombelela na muka-kulilongesa Mashiko aje Shukulu Kalunga waanene kuli vaIsalele ali Mosesa, ngeci anene livulu lya Mashiko.

Mateo 13:52

Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”

Mateo 8:19

Co mulongisi wa majwi a Lishiko wezile kuli ikeye nakwendeka nendi ngwendi, “Mulongisi, njikakukava kwoshe kuuya.”

Mako 2:26

Ngecivene, wakovelele mu Njuvo ya Shukulu Kalunga nakulya aje makende avakombelelele kuli Njambi. Eci calingiwile omo Aviyatale wapwile Muka-kukombelela Wakama. Ngwe ku Lishiko lyetu, kuvanga vaka-kukombelela kuli Njambi lika vakevo vanapande kulya makende awa, oloni Ndaviti waalile, co waaneneko lalo vanu vendi.”