1 Mizimbu 23:31 - Livulu lya Shukulu Kalunga

³¹ omo vakombelela vin̄ombelo vya kwenyeka kuli Shukulu Kalunga a Litangwa Lyakuhwima, na a Ciwano ca Kutenama kwa Ngonde, na a viwano vikwavo lalo. Co kwakele mashiko akwinika ngeci vaLevi vanapande kulinga vipangi evi a simbu na simbu. Co vaLevi vavaanene vipangi vyakulemesa Shukulu Kalunga simbu yoshe.

1 Mizimbu 23:31 Iomraidhean Croise

2 Vimyene 4:23

Co munalume wendi wamwihwile ngwendi, “Omwo vikajo ushaka kuya lelo? Lelo kesi Litangwa Lyakuhwima nambe lya Ciwano ca Kutenama Ngonde.” Co munakazi wamukumbulwile ngwendi, “Kukwesi mulonga.”

1 Mizimbu 23:30

co vakemana mutondo na mutondo, na cingwezi na cingwezi, mukushangazala namukwalesa Shukulu Kalunga,

2 Mizimbu 24:14

Omo vamanesele kuyivwaesa, co vanenele ngolinde na siliva vije vyasaleleo kuli mwene na kuli Yehoyanda, vakevo vaipangesele kulinga malonga na vivala vikwavo vya mu Njuvo ya Shukulu Kalunga. Omo Yehoyanda wakele nakuyoya, vakele nakukombelela vin̄ombelo ku Njuvo ya Shukulu Kalunga a simbu na simbu.

VaLevi 23:24

“Leka vanu va Isalele ngwove, a litangwa lyakulivanga ku ngonde yamucitanu na vivali munapande kunyunga litangwa lyakama lyakuhwima. Co mukakunguluka amo nakulemesa omo malupembo emba.

VaLevi 23:39

“Kushangumuka a litangwa lyamulikumi na atanu ku ngonde yamucitanu na vivali omo munateje laja mu mahya eni, mukanyunga ciwano eci a matangwa atanu na avali. Co nyungeni lalo litangwa lyakulivanga omwo likapwa litangwa lyakama lyakuhwima.

Kulava 10:10

Co a litangwa lyakujolela a Viwano vyeni vya Kutenama kwa Ngonde na a viwano vikwavo vya vunjambi ku simbu ije ivemika, mukaimba malupembo omo mwana milambu yeni ya kwenyeka na milambu yeni ya kulitombola, eci cikapwa canukiso ceni ku mesho a Njambi yeni. Yange Njapwa Kalunga Njambi yeni.”

Kolose 2:16

Ngecivene, kesi mutave umo amishike a vije mulya nambe vije munwa nambe a matangwa akujela nambe a Ciwano ca Kutenama kwa Ngonde nambe a Litangwa Lyakuhwima.