1 Mizimbu 23:25 - Livulu lya Shukulu Kalunga

²⁵ Ndaviti wendekele ngwendi, “Shukulu Kalunga Njambi ya Isalele naana kwoloka ku vanu vendi, co ikeye vavenya akakala mu Yelusalema myaka yoshe.

1 Mizimbu 23:25 Iomraidhean Croise

2 Samwele 7:1

Mwene Ndaviti wakele mu lipela lyendi, co Shukulu Kalunga wamunyungile mwamuvwa ku vitozi vendi voshe.

2 Samwele 7:11

Anga vakovelelele mu lifuti lino, vanakala nakuvalwisa kuli vaka-muuka. Oloni eci kucikasholoka lalo. Njikukulaesa njikakunyunga mwamuvwa ku vitozi vove nakukwana vatekulwila.

1 Vimyene 8:13

Ololo Shukulu njinakutungila Njuvo, mu mwela uje wasa kukala myaka yoshe.”

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

1 Mizimbu 22:18

Co wendekele ngwendi, “Shukulu Kalunga Njambi yeni nakala amo neni, co namyana kwoloka ku mitambela yoshe. Co Shukulu Kalunga natavele ngeci njihyane vanu voshe vaje vakele mu lifuti lino, ololo lifuti lino linapu lyeni, co lalo linapu lifuti lya Shukulu Kalunga.

2 Mizimbu 23:18

Yehoyanda waangwile vaka-kukombelela na vaLevi kupwa vakulunu va vipangi vya ku Njuvo ya Shukulu Kalunga. Vakevo vapangele vipangi vije vyavanene Mwene Ndaviti, nakukombelela vin̄ombelo vya kwenyeka kuli Shukulu Kalunga ngwe ku mashiko a Mosesa. Co lalo vapwile vakulunu vakukenga a myaso na a viwano.

Myaso 135:21

Shangazaleni Shukulu Kalunga mu Siyone na mu Yelusalema mwimbo lyendi. Shangazaleni Shukulu Kalunga!

Myaso 68:16

Omwo vikajo munkinda wa Mbashane, ulingacije ngwe munu ali na cipululu ku munkinda uje wanalyangwila Njambi? Ukapwa limbo lya Shukulu Kalunga ku myaka yoshe!

Myaso 68:18

Omo walondele a munkinda waulaja, waile na vinzinda vavangi, co watambwile vwana kuli vanu vaka-kutengulukila. Shukulu Kalunga Njambi akakala kuje.

Myaso 9:11

Imbeni myaso yakushangazala Shukulu Kalunga, uje wakala mu Siyone! Lekeni vanu voshe vije vyanalingi!

Isaya 8:18

Yange uno, na vana vaje vananjana Shukulu Kalunga. Tunapu tu vimweso mu Isalele vyakutunda kuli Shukulu Kalunga Muka-nzili yoshe uje wakala a Munkinda wa Siyone.

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Njwele 3:21

Njikalingilako sambandinga vaje vavatsiile, nakuhisa vaka-vuvi. Yange Kalunga, njikakala a Munkinda wa Siyone.”

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,

Yoshwa 23:1

Co capwile ngeci omo kwetile matangwa amangi, Shukulu Kalunga wahwimisile Isalele ku vitozi vavo vaje vavazengelekele. A simbu ije Yoshwa te nakuluvala laja,