1 Mizimbu 22:19 - Livulu lya Shukulu Kalunga

¹⁹ Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

1 Mizimbu 22:19 Iomraidhean Croise

1 Vimyene 5:3

“Wazivuka ngeci omwo ya vinzita vije tate Ndaviti wakele nakulwa na mafuti oshe aje amuzengelekele, co kasele kutunga Njuvo ya Shukulu Kalunga mwakumulemesela Shukulu Kalunga Njambi yendi, noo Shukulu Kalunga wamwasesele kufungulula vitozi vendi voshe.

1 Vimyene 8:21

Co lalo njinavwaesa mwela mu Njuvo ya Shukulu Kalunga wa Cikasa ca Cikumiiyo muje muli vitale vya mamanya vya cikumiiyo cije walikumiiye Shukulu Kalunga na vakukulwila vetu omo wavatundisile ku Ingito. ”

1 Vimyene 8:6

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

1 Mizimbu 16:10

Vwaeleleni nakulemesa lizina lyendi lyakujela, voshe vaje vaka-kumulemesa vajolele.

1 Mizimbu 16:11

Kulaeleni kuli Shukulu Kalunga na nzili yendi, mulemeseni simbu yoshe.

1 Mizimbu 22:16

na ngolinde, na siliva, na vunengu, na vikuvo. Ololo shangumuka oni vipangi, Shukulu Kalunga akale amo nove.”

1 Mizimbu 22:7

Co Ndaviti wendekele kuli ikeye ngwendi, “Munange, njashakele kutunga Njuvo ya Shukulu Kalunga mukusingimika Shukulu Kalunga Njambi yange.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

2 Mizimbu 5:7

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

2 Mizimbu 6:11

Co lalo njinavwaesa mwela mu Njuvo ya Shukulu Kalunga wa Cikasa ca Cikumiiyo muje muli vitale vya mamanya vya cikumiiyo cije calikumiiye Shukulu Kalunga na vanu va Isalele.”

Myaso 119:2

Vanavezika vanu vaje vanyunga vizilika vya Shukulu Kalunga, nakumwononoka na vimbunge vyavo vyoshe.

Myaso 14:2

Shukulu Kalunga ali mwilu akenga ali vanu va ano asi ngeci amone nga kuli umo uje ali na mana, nambe nga kuli umo amulemesa.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Kutuuka 25:8

Vanu vanapande kunjitungila mbalaka yakujela, ngeci njikakale akati kavo.

Isaya 60:1

Induka, Yelusalema, vyazima ngwe litangwa, omwo ceke cove cinaija, na vumpau vwa Shukulu Kalunga vulinakuvyazima ali yove!

Njelemiya 29:13

Mukanjishakezeka, co mukanjiwana, omwo mukanjishakezeka na vimbunge vyeni vyoshe.

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Hangai 1:5

Kumwesi nakumona vije vilinakulingiwa ali yeni?

Hangai 1:8

Ololo lamateni ku malundu mukashakeko mavaya, ngeci mwakutungulule Njuvo yange, asinoni cikanjivwasa, co mukanjilemesa ngwe mucanjipande.

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Vilinga vya Miluwa 22:16

Co ololo, vikajo uvandamena? Katuka ngeci vakumbwitike, co vivi vyove vavikushe akulombela kuli ikeye.’

Kwituluka mu Mashiko 4:29

Co kuje mukashakezeka Shukulu Kalunga Njambi yeni, co nga mukamushakezeka na vimbunge vyeni vyoshe, na mwonyo weni woshe, co mukamuwana.